Danyele 9:20 - Tonga Bible 1986

²⁰ Ndeche kukamba ndi kuromba, kusumuwa ubudi wangu ndi ubudi wa ŵanthu ŵangu ŵaYisraele, ndi kupereka kuŵeyere kwangu paurongo pa Ambuya Chiuta wangu chifukwa cha phiri lakupaturika laku Chiuta wangu;

Danyele 9:20 Referans Kwoze

Sumu 145:18

Ambuya epafupi kwaku wose wo ŵatiŵadana, wo ŵatiŵadana mu uneneska.

ŴaRoma 3:23

chifukwa wose ŵakulakwa, ŵapereŵe pe unkhankhu waku Chiuta;

Yesaya 58:9

Sono mukadananga, Ambuya akamukanga; mukabongonga, iwo akatinge, Nde pano. “Asani mutuzgengemo mukati mwinu gori lo, kurongo ka munwe, ndi kurongoro uheni cha,

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Yesaya 65:24

Ŵenga ŵandadane, ine ndamukenge, penipo ŵeche kurongoro, ine ndikavwanga.

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Chivumbuzi 21:10

Ndipo wangunditore mu Mzimu ku phiri likuru ndi litali, ndipo wangundirongo msumba wo wakupaturika, Yerusalemu, wakusikako kuchanya kutuliya kwaku Chiuta,

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

Yakobe 3:2

Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo.

Machitidu gha Ŵakutumika 4:31

Ndipo ŵati ŵaromba, ghanguyaghayika malo mwenimo ŵanguwungana ndipo ŵanguzazika wose ndi Mzimu Wakupaturika, ndipo ŵarongoronga mazu ghaku Chiuta ndi chiganga.

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

Danyele 10:2

Mu mazuŵa gho ine, Danyele, ndingutenje kwa ŵasabata ŵatatu.

Yesaya 56:7

ŵa viyo ndikaŵatoliyanga ku phiri langu lakupaturika; ndi kuŵapaska likondwa mu nyumba yangu ya kuromba; mipasku yawo yakocha ndi sembe zawo vikarondelekanga pa chiguŵa changu cha sembe; pakuti nyumba yangu yikadanikanga nyumba ya kuromba ya ŵanthu wose.

Wakutaula 7:20

Nadidi palivi munthu murunji pa charu chapasi yo wachita umampha ndi kuti walakwa cha.

Ezra 10:1

Po Ezra wanguromba ndi kuzomera uheni, kuliya ndi kuwa pasi paurongo pa myumba yaku Chiuta, unguwungana kwaku iyo mzinda ukuru wa ŵanthurumi ndi ŵanthukazi ndi ŵana chifukwa ŵanthu ŵanguliya ukongwa.

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Danyele 10:12

Ndipo wanguti, “Ungopanga, Danyele, chifukwa kutuwa zuŵa lakudanga lo ungunweke mtima wako kuziŵa, ndi ungujiyuyuliya paurongo paku Chiuta wako, mazu ghako ghavwika, ndipo ndaza chifukwa cha mazu ghako.

Danyele 11:45

Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.