Danyele 9:15 - Tonga Bible 1986

¹⁵ Sono, Ambuya Chiuta widu, imwe mungutuzga ŵanthu ŵinu mu charu cha Egipiti ndi janja lanthazi, mwajitore mbiri mpaka zuŵa lino; ifwe talakwa, tachita uheni.

Danyele 9:15 Referans Kwoze

Nehemiya 9:10

ndipo munguchita visimikizgu ndi vyaminthondwi paku Farao ndi ŵateŵeti ŵake ndi ŵanthu wose ŵa charu chake, pakuti munguziŵa kuti wanguchita mwa mutonyolo pa auskefwe; ndipo mungujichitiya zina, uli ndimo lilili kufika msana wale.

Danyele 9:5

tananga, tabuda, ndi kuchita ulakwi, tagaruka pakutuwamo mu marangu ghinu, ndi veruzgu vinu;

Nehemiya 1:10

Yaŵa mbateŵeti ŵinu ndi ŵanthu ŵinu wo munguwombo ndi nthazi zinu zikuru ndi janja linu lakulimba.

Chituwa 32:11

Kweni Mosese wanguŵeyere Ambuya Chiuta wake, ndi wanguti, “Ambuya mwe, chifukwa chine ukari winu ukole ndi kocha pa ŵanthu ŵinu, wo mukutole kuno kutuwa mu charu cha Egipiti ndi nthazi yikuru ndi janja lakulimba?

Chituwa 14:18

Ndipo ŵaEgipiti ŵakaziŵanga kuti ndine Ambuya, nditakuti ndaronda unkhankhu paku Farao magareta ghake, ndi ŵankhondo ŵapa ŵakavalo ŵake.”

Chituwa 6:1

Kweni Ambuya anguti kwaku Mosese, “Sono ukawonanga chenicho ndikachitanga kwaku Farao pakuti ndi nthazi wakaŵatuzganga, inya ndi nthazi wakaŵadikiskanga mu charu chake.”

2 ŴaKorinte 1:10

Yo ku nyifwa yeni yikuru yaviyo wangutitaska, ndipo wamkutitaska: mwaku mweniyo tagomekezga kuti wakatitaskanga so.

Luka 18:13

Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Luka 15:21

Ndipo mwana yo wangumunene, ‘Ada, ndalakwiya kuchanya ndi mu maso ghinu: kuti ndeche wakwenere cha kutamulika mwana winu.’

Yeremiya 32:10

Ndingulemba zina langu pa kalata wa phanganu, ndi kudikizgapo chakuzighiriya, tinguŵa ndi ŵakaboni, ndipo tingupima ndrama zo pa mweso.

Yesaya 55:13

Mu malo mwa minga mukamenga ming'ona; mu malo mwa kankhande mukatuwanga mulombwa; ndipo chikaŵanga chikumbusku ku Ambuya, chiziŵisku cha muyaya cho kuti chikadumulikanga cha.”

Sumu 106:8

Kweni ndipuuli wanguŵataska, nge ndimo wangupanganirana, mwakuti waŵarongo nthazi yake yikuru.

1 ŴaKaronga 8:51

(chifukwa ndi khamu linu mbanthu ŵinu wo munguŵatuzga mu charu cha Egipiti, mukati mu ng'anjo ya chisulo).

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Chituwa 13:16

Chikaŵanga nge nchakuteskiyapo pa janja linu pamwenga pa mbonekera pakati pa maso ghinu, pakuti ndi janja la nthazi Ambuya angutituzga mu Egipiti.”

2 ŴaKaronga 21:15

chifukwa ŵachita cho nchiheni mu maso ghangu ndipo ŵandisosomole ku ukari, kwamba zuŵa auskeu ŵangutuliya mu Egipiti, kufika zuŵa lino.’ ”

2 Mikoka 6:37

kweni asani ŵakaŵanga ndi maghanoghano mu mtima yawo ku charu cho ŵayoreke umkoli, ndi ŵang'anamuka ndi kuŵeyere imwe mu charu cha umkoli wawo, kuti, ‘Talakwa ndi tachita uchikanamarangu ndi uheni;’

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Yesaya 64:4

Kutuwa ku mwaka palivi yumoza wa kuziŵa pamwenga wakuvwapo ndi gutu, palivi jiso lo likuwona Chiuta pade paku imwe, mweniyo watataliya wo ŵalindizga paku iyo.

Yeremiya 14:20

Tizomera maulakwi ghidu, Ambuya mwe, ndi uheni wa auskefwe pakuti takulakwiyani imwe.

Chitenje 3:42

“Talengeska ndi tagaruka, kweni mulivi kugowoke.

Ezekiele 5:6

Kweni wagarukiya vyeruzgu vyangu kwa ukazuzi kuruska ŵamitundu, ndi virunguchizgu vyangu kwakuruska vyaru vyakumuzunguliya, pakukana vyeruzgu vyangu ndi kureka kwenda mu virunguchizgu vyangu.