Danyele 8:9 - Tonga Bible 1986

⁹ Mu limoza laku gho mungume sengwe limoza limana lenilo lingukuwa ukongwa kulazga ku malaŵi ndi ku vuma, ndi kulazga ku charu chakutumbikika.

Danyele 8:9 Referans Kwoze

Danyele 11:16

Kweni yo watuza kumikana nayo wachitenge mo wakhumbiya, kuŵengevi yumoza wakuma paurongo pake; wamenge mu charu cha unkhankhu, ndipo chose chiŵenge mu nthazi zake.

Danyele 7:8

Ndichighanaghana ndi masengwe, ndinguwona sengwe linyake limanalakutuwa mukati mwaku gho, panthazi paku lo masengwe ghatatu ghakudanga ghangubontholeka, ndipo ehe, mu sengwe ili mwenga maso ghakukozgana ndi maso gha munthu, ndi mlomo wakukamba vinthu vikuru.

Ezekiele 20:15

Kweni ndi kweni mu bozwa ndinguŵarapiya kuti, kuti ndikaŵatoriyanga mu charu cho ndikuŵapaska cha, charu chakudika mkaka ndi uchi, charu chakutowa kuruska vyaru vyose vinyake,

Ezekiele 20:6

Pa zuŵa liya ndinguŵarapiya kuti ndikaŵatuzganga mu charu cha Egipiti kuya nawo ku charu cho ndikuŵasankhiya, charu cha kudika mukaka ndi uchi, charu chakutowa kuruska vyaru vyose vinyake.

Sumu 48:2

Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

Zekariya 7:14

“Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Danyele 11:21

Mu malo ghake muyukenge munthu waŵakaŵaka wambura kuronde ulemu wa ufumu. Wazenge kwamabuchibuchi, ndi kuronda ufumu ndi mazu ghakunyengere.

Yeremiya 3:19

“ ‘Ndingughanaghana mo ndingakumikiyani mukati mu ŵana ŵangu, ndi kukupaskani charu chakukondweska, chiŵe chihara chakutowa kwakuruska cha mitundu yose. Ndipo ndingughanaghana kuti mukandidananga, Ada, ndi kuti mukarekanga cha kundilondo.

Sumu 105:24

Ambuya angwandaniska ukongwa khamu lawo, ndipo anguŵakhomeska kwakuruska ŵarwani ŵawo.