Danyele 8:26 - Tonga Bible 1986

²⁶ Chiwona cha mazulo ndi cha mlenji cho chakambika nchakuneneska, kweni sunga chiwona ichi chisisi, chifukwa chifiskikenge asani ghakapo mazuŵa ghanandi.”

Danyele 8:26 Referans Kwoze

Danyele 10:1

Mu chirimika cha chitatu chaku Sirusi karonga waku Perese mazu ghanguvumbulika kwaku Danyele yo wadanikanga Belteshazara. Ndipo mazu ghenga ghakuneneska ndi ghenga nkhondo yikuru. Ndipo wangughaziŵa mazu ndi wenga ndi muziŵiru wa chiwona.

Danyele 12:9

Wanguti, “Rutanga, Danyele, chifukwa mazu ghajarika ndi kuzighirika mpaka ku umari kwa nyengo.

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Chivumbuzi 22:10

Ndipo wangunena nane, “Ungazighiriyapo cha mazu gha umchimi wa buku lenili, pakuti nyengo yo ye pafupi.

Ezekiele 12:27

“Mwana wa munthu, awona, ŵa nyumba yaku Yisraele ŵatiti, ‘Chiwona cho wawona ncha mazuŵa ghanandi gha kunthazi, wachima vya zinyengo zo ze kutali.’

Chivumbuzi 10:4

Po vidiririzi vyo vinkhonde ndi viŵi vingugunda ndatinge ndilembenge; kweni ndinguvwa mazu ghakutuwa kuchanya, ghakuti, “Zighiriyapo. Vidiririzi vyo vinkhonde ndi viŵi vyakamba ungavilembanga cha.”

Yesaya 24:22

Ŵakaunjikikanga pamoza uli mba magoŵa mu zenje, ŵakajarikiyanga mu nyumba ya magoŵa, ndipo pavuli pa mazuŵa ghanandi ŵakalangikanga.

Danyele 11:2

“Ndipo sono ndikurongonge uneneska. Ehe, ŵakaronga ŵanyake ŵatatu ŵayukenge mu Perese; ndipo wachinayi waŵenge msambasi ukongwa kuruska wose, ndipo watakuti waŵa ndi nthazi ndi usambasi wake, wayuskenge wose kurimbana ndi ufumu wa ŵaGirisi.