Danyele 8:17 - Tonga Bible 1986

¹⁷ Viyo wanguza kufupi ko ndinguma; ndipo wanguti waza, ndingutenthema ndi ndinguwa kavunama. Kweni wanguti kwaku ine, “Ziŵa, wamwana wa munthu, kuti chiwona chikamba ndi nyengo ya umari.”

Danyele 8:17 Referans Kwoze

Danyele 8:19

Wanguti, “Ehe, ndikuziŵiskenge vyo viŵengeko kuumari wa ukari; chifukwa umari ukaŵangapo pa nyengo yakutemeka.

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Chivumbuzi 1:17

Ndipo ndichimwona, ndinguwa pa marundi ghake nge ngwakufwa. Ndipo wanguŵika pangu janja lake lamarghe, wakuti, “Ungopanga: Ine Ndine Wakudanga ndi Wakumariya,

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Danyele 12:13

Kweni iwe rutanga mpaka umari; ndipo upumuwenge ndi ukamanga mu malo gho ghakupaskika kwaku iwe pa umari wa mazuŵa.”

Danyele 11:40

“Pa vyengo ya umari, karonga waku malaŵi warwenge nayo, kweni karonga waku nkhonde wamurotokiyenge nge ndi kavuruvuru, ndi magareta, ndi ŵakukwera ŵakavalo, ndi ngaraŵa zinandi; ndipo ŵazamsere mu vyaru ndi kuchapariya, ndi kuporotamo.

Chivumbuzi 22:8

Ndipo ine nda Yohane ndinguvwa ndi ndinguwona vyenivi; ndipo ndati ndavwa ndi kuwona, ndinguwa pasi kulambiya paurongo pa marundi gha mungelo yo wangukamba vyenivi.

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Mateyu 17:8

Ndipo ŵachiyinuska maso ŵengavi kuwona yumoza, kweni Yesu pe.

Danyele 10:16

Ndipo ehe, yumoza wakukozgana ndi mawonekedu gha ŵana ŵa ŵanthu wangukwaska mlomo wangu, ndingukamba ndinguti kwaku yo wanguma paurongo pangu, “Mbuya wangu, chifukwa cha chiwona, maurwirwi ghandiziya, ndipo nthazi zandimariya.

Danyele 10:11

Wanguti kwaku ine, “Danyele, wa munthu wakwanjiwa ukongwa, vwiska mazu yagha ndikamba nawe, yima, chifukwa ndatumika kwaku iwe sono.” Ndipo wanguti wandikambiya mazu yagha, ndinguma wima wakopa.

Danyele 9:27

Ndipo wakapangananga phanganu lakukho ndi ŵanandi mu sabata yumoza; ndi pakatikati pa sabata ŵalekeskekenge sembe yakubaya ndi sembe ya ufwa; pa phaphiku la vyaukazuzi, pakazanga yumoza yo wapasuwa mpaka umari wakulangulika upungulikiya pa wakupasuwa.”

Danyele 9:23

Pakwamba kuŵeyere kwako, mazu ghangutuwa, ndipo ndaza kuzachikunene chifukwa we wakwanjiwa ukongwa; viyo uziŵi mazu yagha ndi uwemu chiwona.

Danyele 8:15

Po ine, Danyele, ndinguwona chiwona ndingukhumba ukongwa kuchiziŵa ndipo ehe, paurongo pangu panguma yumoza yo kawonekedu kake kenga nge nkha munthu.

Danyele 2:46

Viyo karonga Nebukadanezara wanguwa kavunama, kulambiya Danyele, ndipo wangulangula kuti sembe ndi vya chema vipasikeke kwaku iyo.

Ezekiele 6:2

“Mwana wa munthu, razga chisku chako ku mapiri gha Yisraele, ughachimiyi,

Chiyambo 17:3

Sono Abramu wanguwa pasi kavunama; ndipo Chiuta wanguti kwaku iyo,

Ezekiele 44:4

Sono wanguza nane munthowa yaku likomo laku nkhonde kunthazi kwa kasopi; ndingulereska, ehe, unkhankhu wa Ambuya unguzaza kasopi wa Ambuya; ndipo ndinguwa kavunama.

Danyele 7:16

Ndingundere kufupi ku yumoza waku wo ŵanguma penipo ndingumufumba uneneska waku ichi chose. Viyo wangundinene, ndi wangundiziŵiska kang'anamuridu ka vinthu ivi.

Danyele 8:27

Ndipo ine, Danyele ndingugururuka nthazi ndi ndingutama kwa mazuŵa ghanandi; pavuli ndinguchira, ndingutakataka nchitu ya karonga; kweni ndenga wakuzizwa ndi chiwona ichi, kuti ndinguchiziŵiska cha.

Ezekiele 2:1

Wangunena nane, “Mwana wa munthu, soka, ndirongoro nawe.”

Danyele 11:27

Sono ŵakaronga yaŵa ŵaŵi mitima yawo yiganukiyenge pakuchita uheni, ŵakambenge utesi pa gome limoza, kweni ŵanduwenge kanthu cha; chifukwa umari wake uŵenge pa nyengo yakutemeka.