Danyele 8:15 - Tonga Bible 1986

¹⁵ Po ine, Danyele, ndinguwona chiwona ndingukhumba ukongwa kuchiziŵa ndipo ehe, paurongo pangu panguma yumoza yo kawonekedu kake kenga nge nkha munthu.

Danyele 8:15 Referans Kwoze

Danyele 10:16

Ndipo ehe, yumoza wakukozgana ndi mawonekedu gha ŵana ŵa ŵanthu wangukwaska mlomo wangu, ndingukamba ndinguti kwaku yo wanguma paurongo pangu, “Mbuya wangu, chifukwa cha chiwona, maurwirwi ghandiziya, ndipo nthazi zandimariya.

Chivumbuzi 1:13

ndipo mukati mu vikoleru vyo Yumoza wakukozgana ndi Mwana wa munthu, wakuvwara khanju litali, ndi wakumangika lamba la golide pa maŵe.

Danyele 10:18

Ndipo so munyake yumoza wakuŵa ndi kawonekedu nge nkha munthu wangundikwaska ndi wangundikhwimiska.

Chivumbuzi 13:18

Panu pe zeru: yowawamo, wapime muŵerengu wa chikoku cho; chifukwa muŵerengu ngwa munthu; ndipo muŵerengu wake ndi machumi pe chumi ghankhonde ndi limoza pachanya machumi ghankhonde ndi limoza ndi vinkhonde ndi chimoza (666).

Marko 13:14

“Kweni penipo muwona unyakazi wa phasulu kuma pa malo gho kuti utenere kumapo cha (wakuŵerenga yo wawemo) sono wamu Yuda wathaŵiye ku mapiri;

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Mateyu 24:15

“Viyo penipo muwonenge unyakazi wa mapopa, wakukambika ndi Danyele mchimi yo, uchima mu malo ghakupaturika (yo waŵerenga wawemo),

Mateyu 13:36

Sono wangusiya mizinda yo, ndipo wangusere mu nyumba; ndipo ŵanguza kwake ŵasambizi ŵake, ŵakuti, “Ting'anamuliyeni ntharika yo ya maduru gha mu munda wo.”

Danyele 12:8

Ndinguvwa kweni kuti ndinguwamu cha. Viyo ndinguti, “Mbuya wangu, kumbi umari wa vinthu ivi ukaŵanga uli?”

Danyele 10:5

ndinguyunuska maso ghangu ndipo ndinguwona munthu wakuvwara bafuta, yo muchiwunu chake wanguvwara golide wa Ufaza.

Danyele 7:28

“Uwo ndiwo umari wa makani, kweni ine Danyele maghanaghano ghangu ghangundisuzga ukongwa ndi kaŵiro kangu kangusanduka. Kweni ndingusunga makani yagha mu mtima wangu.”

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yoswa 5:14

Iyo wanguti, “Awa, kweni nde wakulamula wankhondo wa Ambuya ndimu ndaziya.” Ndipo Yoswa wanguwa pasi kavunama, wangusopa, ndipo wangunena nayo, “Nchine cho mbuya walanguliya mteŵeti wake?”

Danyele 8:1

Mu chirimika cha chitatu cha muwusu wa karonga Beleshazara chiwona chinguwoneka kwaku ine Danyele, pavuli pa chiwona cho chingundiwoneke pakudanga.

Danyele 8:19

Wanguti, “Ehe, ndikuziŵiskenge vyo viŵengeko kuumari wa ukari; chifukwa umari ukaŵangapo pa nyengo yakutemeka.

Zekariya 1:9

Viyo ndinguti, ‘Ivi ndi vine mbuyangu?’ Ndipo mungelo wa Ambuya yo wakambanga nane wanguti. ‘Ndikurongo yaŵa kuti mbayani.’