Danyele 8:14 - Tonga Bible 1986

¹⁴ Ndipo wanguti kwaku iyo, “Mpaka mazuŵa vikwi viŵi pachanya machumi pe chumi ghatatu (2,300) mazulo ndi mlenji po ndipo, malo ghatuŵa ghatoweskekenge nge ndi kali.”

Danyele 8:14 Referans Kwoze

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Danyele 12:11

Kutuwa pa nyengo yo sembe yakocha ya mazuŵa ghose yikatuzgikangapo ndipo ukazuzi wo uchita umapopa waŵikikapo, vikaŵangako virimika mazuŵa chikwi chimoza ndi machumi pe chumi ghaŵi, pachanya machumi ghankhonde ndi ghanayi (1,290).

Yesaya 45:25

Mu Ambuya mphapu zose zaku Yisraele zikapundanga ndi kujikuzga.”

Chivumbuzi 12:14

Ndipo kungupskika ku munthukazi yo mapapiku ghaŵi gha nombo yikuru, kuti waphururukiye ku bozwa, ku malo ghake, kweniko wakalerekanga kwaka nyengo, ndi zinyengo, ndi nusu ya nyengo, kutuwapo pa njoka yo.

Danyele 8:26

Chiwona cha mazulo ndi cha mlenji cho chakambika nchakuneneska, kweni sunga chiwona ichi chisisi, chifukwa chifiskikenge asani ghakapo mazuŵa ghanandi.”

Yesaya 1:27

Zioni wakawombokwanga ndi cheruzgu chirunji, ndi wo ŵe mukati mwake wo mbakupe mtima, ndi urunji.

Chivumbuzi 13:5

Ungupaskika ku chikoku cho mlomo wakurongoro vinthu vikuru ndi vyakutuka; chingupaskika mazaza kurongoro ivi kwamyezi machumi ghanayi ndi yiŵi.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaGalatia 3:8

Ndipo lembo lo, pakuwone limu kuti Chiuta kutuwa ku chivwanu warunjiskenge ŵaMitundu, lingutauliya limu evangeli kwaku Abrahamu, lakuti, “Mwaku iwe yikatumbikikanga mitundu yose.”

Chiyambo 1:5

Chiuta wangudana ukweru, msana ndi mdima wangudana, usiku. Ndipo kwenga mazulo ndi kwenga mlenji, zuŵa limoza.

Danyele 12:12

Ngwamwaŵi yo walindizga kuzachifika ku mazuŵa chikwi ndi machumi pe chumi ghatatu ndi machumi ghatatu pachanya ghankhonde (1,335).