Danyele 8:1 - Tonga Bible 1986

¹ Mu chirimika cha chitatu cha muwusu wa karonga Beleshazara chiwona chinguwoneka kwaku ine Danyele, pavuli pa chiwona cho chingundiwoneke pakudanga.

Danyele 8:1 Referans Kwoze

Danyele 7:1

Mu chirimika chakudanga cha karonga Beleshazara waku Babiloni, Danyele wangulota loto ndi wanguwona chiwona cha mu mutu wake mu chita chake. Ndipo wangulemba loto lo kukonkhoska vyo wanguwona.

Danyele 11:4

Watakuti wayuka, ufumu wake uswekenge ndi kugaŵikiya ku mphepo zinayi za kuchanya, kweni ku ŵana ŵake cha, chingana nkhulingana ndi mtufu wo wausiyanga iyo, chifukwa ufumu wake ukarondekanga, uŵenge wa ŵanyake, ku mbumba yake cha.

Danyele 10:7

Ine, Danyele, ndija ndinguwona chiwona, kweni ŵanthu wo ŵenga nane kuti ŵanguchiwona cha chiwona, kweni ŵangukoreka ndi chitenthe chikuru, ndi ŵanguthaŵa kwachibisama.

Danyele 10:2

Mu mazuŵa gho ine, Danyele, ndingutenje kwa ŵasabata ŵatatu.

Danyele 9:2

mu chirimika chakudanga cha muwusu wake, ine, Danyele, ndingusambira mu mabuku, unandi wa virimika vyo kwakulingana ndi mazu gha Ambuya kwaku Yeremiya mchimi, ghakuti, vitenere kurutapo virimika machumi ghankhonde ndi ghaŵi (70).

Danyele 8:15

Po ine, Danyele, ndinguwona chiwona ndingukhumba ukongwa kuchiziŵa ndipo ehe, paurongo pangu panguma yumoza yo kawonekedu kake kenga nge nkha munthu.

Danyele 7:28

“Uwo ndiwo umari wa makani, kweni ine Danyele maghanaghano ghangu ghangundisuzga ukongwa ndi kaŵiro kangu kangusanduka. Kweni ndingusunga makani yagha mu mtima wangu.”

Danyele 7:15

“Mtima waku ine, Danyele, wenga mukati mwangu wakwenjerwa, chiwona cha mutu wangu chingundisuzga.

Ezekiele 1:1

Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Danyele 8:2

Ndipo ndinguwona mu chiwona, ndipo penipo ndinguwona, ndenga mu Susa msumba ukuru wo wemu chigaŵa cha Elama; ndipo ndinguwona mu chiwona, kuti ndenga pa msinji wa Ulai.