Danyele 7:13 - Tonga Bible 1986

¹³ Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 7:13 Referans Kwoze

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Chivumbuzi 14:14

Ndingulereska, ndipo onani, mtambo utuŵa, ndi pa mtambo wo wangujapo Yumoza wakukozgana ndi mwana wa munthu, wakuvwara pa mutu pake ndumbu yagolide, mu janja lake mwenga chisenga chauyi.

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Marko 13:26

Ndipo sono ŵakawonanga Mwana wa munthu wakuziya mu mitambo ndi nthazi yikuru ndi unkhankhu.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Yohane 3:13

Chifukwa palivi yumoza yo wakweriyako kuchanya, kweni mwana wa munthu pe yo wasikako ku kuchanya.

Chivumbuzi 1:13

ndipo mukati mu vikoleru vyo Yumoza wakukozgana ndi Mwana wa munthu, wakuvwara khanju litali, ndi wakumangika lamba la golide pa maŵe.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Machitidu gha Ŵakutumika 7:56

ndipo wanguti, “Awonani, ndiwona machanya gho ghakujurika, ndi Mwana wa munthu yo watuma ku marghe ghaku Chiuta.”

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu:

Danyele 7:22

Mpaka Khongwe la Mazuŵa ghakali linguza, ndipo cheruzgu chingurunjikiya ŵatuŵa ŵa Wamuchanya Ukongwa, ndipo nyengu yingufikapo penipo ŵatuŵa ŵanguronde ufumu.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

Danyele 7:9

Ndeche kulereska, vitengo vinguŵikikapo ndipo mura yumoza wa mazuŵa gha mwaka wangu ja pa mpando wake; vivwalo vyake vyenga vituŵa nge ndi nyankhuŵinda ndi sisi laku mutu wake nge ndi weya utuŵa; chitengo chake chenga nge ndi mlipu wa moto, nkhata zake zenga moto wakukole.

Ezekiele 1:26

Ndipo pachanya pa mtambo wapa mitu yawo penga chikozgu cha chitengo, cha kawonekedu ulaka ndi mwa wa satire; ndipo wakuja pachanya pa chikozgu cha chitengo cho wangukozgana ulaka ndi munthu.

Sumu 47:5

Chiuta wakwere ndi kukambura, Ambuya ndi chizozu cha mbata.

Yohane 12:34

Mzinda wo ungumwamuka, “Ifwe tavwa ku langulu lo, kuti Kristu wakajaririyanga muyaya. Ukamba uli iwe, mwana wa munthu watenere kusoskeka? Njani uyu Mwana wa munthu?”

Yohane 5:27

ndipo wampaska mtufu kuchita cheruzgu, pakuti ndi Mwana wa munthu.

Yeremiya 49:19

Ehe, nge ndi nkharamu yituwa mu lisuwa la Yordane kulimbana ndi khora la mberere lakukho, ruŵiruŵi ndikaŵachitanga kuŵa wakuthaŵa kwaku iyo; ndipo ndikamikanga paku iyo mweniyo ndingakhumba kusankha. Pakuti ndi yani wakulingana nane? Njani wangamikana nane ndimuliska nunju wangaziŵa kuma paurongo pangu?

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Luka 24:27

Ndipo pakwandiya paku Mosese ndi paku wose ŵamchimi wo, wanguŵang'anamuliya mu malembo ghose vyo vyapaku iyo yija.

1 ŴaTesalonika 4:17

pavuli pake ifwe taŵamoyo, taŵakujaririya, tikakwamphulikiyanga pamoza nawo mu mitambo, kwachikumana ndi Ambuya mude; ndipo viyo tikaŵanga muyaya pamoza ndi Ambuya.

Sumu 110:2

Kutuliya ku Zioni Ambuya atandawuwenge mazaza gha ufumu wako. Usa pachanya pa ŵarwani ŵako.

Danyele 7:2

Danyele wanguti, “Ndinguwona mu chiwona changu ndi usiku, ndipo ehe, mphepo zinayi za kuchanya zinguyuska nyanja yikuru.

Danyele 7:12

Nge nkhu vinyama vinyake mtufu wawo ungulondeka kweni maumoyo ghawo ghangurutiriya ku zinyengo ndi nyengo.

Danyele 8:15

Po ine, Danyele, ndinguwona chiwona ndingukhumba ukongwa kuchiziŵa ndipo ehe, paurongo pangu panguma yumoza yo kawonekedu kake kenga nge nkha munthu.

Sumu 2:8

Ufumbe kwangu, ndipo ndichitenge mitundu kuŵa chihara chako, ndi nge nchakusakata chako vigoti vya charu chapasi.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;