Danyele 7:1 - Tonga Bible 1986

¹ Mu chirimika chakudanga cha karonga Beleshazara waku Babiloni, Danyele wangulota loto ndi wanguwona chiwona cha mu mutu wake mu chita chake. Ndipo wangulemba loto lo kukonkhoska vyo wanguwona.

Danyele 7:1 Referans Kwoze

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Yoele 2:28

“Ndipo kuŵenge kuti pavuli, ndipunguliyenge mzimu wangu pa ŵanthu wose; ndipo ŵana ŵinu ŵanthurumi ndi ŵana ŵinu ŵanthukazi ŵachimenge, ndipo ŵaraŵara ŵalotenge maloto, ŵanyamata ŵawonenge chiwona.

Danyele 5:1

Karonga Beleshazara wanguchitiya nduna zake chikwi chimoza (1,000) dghera likuru. Wangulaŵa vinyo panthazi pa chikwi cho.

Danyele 4:5

Ndingulota loto lo lingundofya. Po ndingugona pa chita, maghanaghano ndichiwona cha mutu wangu vingundisuzga.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Yeremiya 23:28

Rekani mchimi yo wendi loto wakambe loto lo, kweni yo wendi mazu ghangu wakambe mazu ghangu kwamagomekezgeka. Kumbi mwere usangananji ndi trigu? atiti Ambuya.

Chivumbuzi 1:19

Viyo lemba vyenivyo uwona vyo viripo, ndi vyo vikaŵangapo pavuli paku vyenivi,

Habakuku 2:2

Ndipo Ambuya angundamuka anguti: “Lemba chiwona, malembo ghawonekenge pa vipapate, mwakuti yo waŵerengapo wendepo ruŵi.

Danyele 7:15

“Mtima waku ine, Danyele, wenga mukati mwangu wakwenjerwa, chiwona cha mutu wangu chingundisuzga.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 2:1

Mu chirimika cha chiŵi cha muwusu waku Nebukadanezara, Nebukadanezara wangulota maloto; ndipo mtima wake ungusuzgika nagho, ndi tulu twake tingukamuka.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Chiyambo 46:2

Ndipo Chiuta wangukamba ndi Yisraele mu vyakuwona vya usiku ndi wanguti, “Yakobe, Yakobe,” ndipo iyo wanguti, “Ndine nde pano.”

Chivumbuzi 10:4

Po vidiririzi vyo vinkhonde ndi viŵi vingugunda ndatinge ndilembenge; kweni ndinguvwa mazu ghakutuwa kuchanya, ghakuti, “Zighiriyapo. Vidiririzi vyo vinkhonde ndi viŵi vyakamba ungavilembanga cha.”

2 ŴaKorinte 12:1

Nditenere kutumbwa inya; ndipo kuti kutovya kanthu cha; kweni ndirutiriyenge kukamba ndi viwona ndi mauvumbuzi gha Mbuya.

ŴaRoma 15:4

Pakuti vyo vyose vingulembeke limu, vingulembeke kusambizgika kwidu, alinga kuti mu unkhunthiya ndi mu uchiska wa malembo tiŵe ndi chigomekezgu.

Danyele 8:1

Mu chirimika cha chitatu cha muwusu wa karonga Beleshazara chiwona chinguwoneka kwaku ine Danyele, pavuli pa chiwona cho chingundiwoneke pakudanga.

Danyele 7:7

Pavuli paku ichi, ndinguwona mu chiwona cha usiku, ndipo ehe, chinyama cha chinayi; chakofya, chakutenthemeska, ndi chanthazi zikuru ndi chenga ndi minyu ghakuru gha chisulo, chingurgha, chinguphwanya, ndi kuphwatiya pasi ndi marundi ghake vyo vingujapo. Chingupambana ndi vinyama vyose vyakudanga ndi icho; ndipo chenga ndi masengwe chumi.

Danyele 5:30

Mu usiku weniuwa Beleshazara karonga wa ŵaKaldiya wangubayika,

Danyele 5:22

Ndipo iwe Beleshazara mwana wake, ulivi kujiyuyuwa mu mtima wako, chingana wachiziŵa ichi chose;

Ezekiele 1:1

Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.

Yeremiya 36:4

Sono Yeremiya wangudana Baruki mwana waku Neriya, ndipo Baruki wangulemba pa mapepala ghakuzinga wachimukambiya Yeremiya mazu ghose gha Ambuya ghenigho wangurongoro nayo.

Yeremiya 27:7

Mitundu yose yikamuteŵetiyanga iyo ndi mwana wake ndi ŵazuku ŵake, mpaka penipo nyengo ya kunangiya charu chake yafika, po ndipo mitundu yinandi ndi ŵakaronga ŵakuzirwa ŵazakumusanduska kuŵa muŵanda wawo.

Yesaya 30:8

Ndipo sono, ruta, ukalembe mazu yagha pa maso pawo pa thabwa, ndipo ughalembe mu buku, mwakuti mu nyengo yo yikazanga ghaŵenge nge ndi kaboni muyaya.

Yesaya 8:1

Sono Ambuya anguti kwaku ine, “Uto chakulembapo chikuru ulembepo mu malembo ghakuziŵikwa kuti, ‘Wa kwaku Maherashalala-hashibazi.’ ”

Jobu 4:13

Mukati mu maghanoghano gha viwona vya usiku penipo tulu tituŵako ŵanthu,

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Yeremiya 36:32

Sono Yeremiya wanguto chizinga chinyake cha buku wangupaska kwaku Baruki mlembi, mwana waku Neriya mweniyo wangulembapo pa kumunene Yeremiya mazu ghose gha mu chizinga gho Yehoyakimu karonga waku Yuda wangocha pa moto; ndipo mazu ghanandi ghakukozgana nagho ghangusazgikiyako kwaku gho.

Ezekiele 40:2

ndipo lingunditore mu viwona vyaku Chiuta mu charu chaku Yisraele, ndi kundijarika pasi pachanya pa phiri litali ukongwa, paku lenilo penga uzengi nge ngwa msumba kuthyana nane.

Danyele 2:26

Karonga wanguti kwaku Danyele, yo zina lake lenga Belteshazara, “Kumbi ungaziŵa kundinene cho loto lo ndalota ling'anamuwa?”

Danyele 4:13

“Ndinguwona mu chiwona cha mutu wangu pa chita changu, mulinda mutuŵa wangusika kuchanya.