Biblia Todo Logo
Bib sou entènèt

- Piblisite -




Danyele 6:26 - Tonga Bible 1986

26 Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Gade chapit la Kopi




Danyele 6:26
39 Referans Kwoze  

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;


ndipo wakausanga nyumba yaku Yakobe muyaya; ndipo muwusu wake kuti umarenge cha.”


Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.


Mbukuru nawo wavisimikizgu vyake! Mbukuru nawo wa vyakuziziswa vyake! Ufumu wake mbufumu wa muyaya, ndipo muwusu wake ngwa mgonezi ndi mgonezi.


Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”


Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;


Ambuya ausa pachanya pa maji ghanandi; nge ndi karonga muyaya.


Teŵetiyani Ambuya ndi wofi, ndi chitenthe.


Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”


Ndipo kuŵenge kuti, mu malo mwenimo kunguŵaneneke, kuti mwe khamu langu cha, kweniko ŵatamulikenge ŵana ŵaku Chiuta Wamoyo.”


“Chifukwa ine Chiuta kuti ndisintha cha, imwe mose, ŵana ŵaku Yakobe mulivi kumara.


Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”


Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’


Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.


Ndipo vyamoyo vyo vinayi vyatinge, “Ameni.” Ndipo ŵara wo ŵanguwa pasi, ndipo ŵangulambiyapo.


ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,


Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.


chifukwa nadi Chiuta widu ndi moto wakunyeka.


Ndipo mungatitole mu kesedu kweni titaskeni ku mheni yo.


Penipo wangufika pafupi ndi zenje mwenimo wanguŵa Danyele wangudanirizga ndi mazu ghachitima, ndi wanguti kwaku Danyele, “Danyele wamteŵeti waku Chiuta wamoyo, kumbi Chiuta wako yo uteŵete mazuŵa ghose wakutaska ku nkharamu?”


Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.


Ambuya akausanga muyaya! Chiuta wako, Zioni we, ku migonezi yose! Rumbani Ambuya!


Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.


Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”


Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”


Pakuti ndiyani wa ŵamoyo wose yo wavwa mazu ghaku Chiuta wamoyo wakukamba mukati mu moto nge ndifwe, ndipo weche wamoyo?


Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,


chingana nkhuti wateŵeteka ndi manja gha ŵanthu cha, nge ngwakukavuka kanthu, pakuŵa mweneko wakupaska wose umoyo, ndi mvuchi, ndi vyose;


Kweni ndazamrongo imwe yo mopenge: mopeni yo ngwakuŵa ndi mtufu, wati wabaya, kupong'amu mu Gehena; nadi, ndikuneniyani, mopeni mweniyo.


Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.


Munthu wako yose yo we mukati mwinu Chiuta wake waŵe nayo, wakwere ku Yerusalemu kwachizenga so nyumba ya Ambuya Chiuta waku Yisraele yo ndi Chiuta waja mu Yerusalemu;


“Viyo ine karonga Arataserese ndilangula ŵara wose ŵakusunga chuma cha karonga mu chigaŵa cha kusirgha la msinji. Che chose cho Ezra mzukuru, mlembi wa dangu laku Chiuta wa kuchanya, wafumbenge kwinu, chichitike kwaruŵi,


Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?


Swiv nou:

Piblisite


Piblisite