Danyele 6:24 - Tonga Bible 1986

²⁴ Ndipo karonga wangulangula, ndipo ŵanthu ŵa ŵangupacha Danyele ŵangutoreka ndi ŵangupong'eka mu zenje la nkharamu, iwo, ŵana ŵawo, ndi ŵawoli ŵawo; ndipo ŵenga ŵandafike pasi pa zenje, nkharamu zinguŵaparuwa ndi kuvikita viwanga vyawo vyose.

Danyele 6:24 Referans Kwoze

Yesaya 38:13

ndiliriya chovyo mpaka mlenji; uli ndi nkharamu wafyo viwanga vyangu; kwamba ku musana kuya ku usiku mutinditole ku chigoti.

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Sumu 54:5

Iwo akawezgiyanga uheni pa ŵarwani ŵangu; mu ukongorekwa winu muŵadumuwe.

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

2 ŴaKaronga 14:6

Kweni ŵana ŵa ŵakubayika wo, wengavi kuŵabaya, kwakulingana ndimo kukulembeke mu buku la dangu laku Mosese, mo Ambuya akulangula, kuti, “Ŵauskeu kuti wakabayikanga pa chifukwa cha ŵana wawo cha, pamwenga ŵana kuti ŵakabayikanga cha pa chifukwa cha auskeu, kweni munthu yose wakafwanga chifukwa cha ulakwi wa mweneko.”

Marangu 24:16

“Ŵangabayikanga cha auskeu chifukwa cha uheni wa ŵana, chingana nkhuti ŵana ŵabayikenge chifukwa cha uheni wa auskeu; munthu we yose wabaikenge chifukwa cha uheni wa mweneko yija.

Nthanthi 11:8

Murunji wataskika ku suzgu, ndipo wamphurupuru waseremo mu malo ghake.

Estere 9:10

Ŵana ŵanthurumi chumi ŵaku Hamani mwana waku Hamedata, mphindikwa ya ŵaYuda: kweni vinthu vyawo kuti ŵanguskoŵa cha.

Danyele 3:22

Chifukwa dangu la karonga lenga lakukho, ndipo ng'anjo yengo yakocha ukongwa, mlipu wa moto ungubaya wo ŵangunyamuwa Shadreke, Mesheke, ndi Abedenego.

Nthanthi 19:9

Kaboni mutesi kuti warekenge kulangika cha, ndipo mweniyo wakamba mautesi wakafwanga.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.