Danyele 6:23 - Tonga Bible 1986

²³ Viyo Karonga wangukondwa ukongwa, ndi wangulangula kuti Danyele watuzgike mu zenje. Viyo Danyele wangutuzgika mu zenje, ndi mwengavi kusanirika chingana ndi bamba mu liŵavu lake, chifukwa wangugomekezga mwaku Chiuta wake.

Danyele 6:23 Referans Kwoze

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

Danyele 3:25

“Inya, karonga.” Wanguti, “Kweni ine ndiwona ŵanthu ŵanayi ŵakufwatulika ŵatenda mukati mu moto ndipo kuti mbakocheka cha; kweni kawonekedu ka wachinayi kalingana nge ndi mwana wa ŵachiuta.”

Marko 9:23

Ndipo Yesu wangumnene, “Asani iwe uziŵa! Vyose vyamachitika ku wakuvwana.”

Danyele 6:18

Viyo karonga wanguruta ku nyumba yake, wangukana kurgha usiku wose ndipo chingana vyakumbiya vyengavi kutoreke kwaku iyo, ndi tulo nato twengavi kuzamo mu maso ghake.

Yesaya 26:3

Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Sumu 37:40

Ambuya atiwovya ndi kuŵapozomoska; atiŵapozomoska ku ŵaheni, ndi kuŵataska, chifukwa ŵadingang'a mwaku iwo.

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

ŴaHebere 11:33

Weniwo mu chivwanu ŵangugoda maufumu, ŵanguchita urunji, ŵangufikapo pa mapanganu, ŵangujara milomo ya zinkharamu,

Danyele 6:14

Penipo karonga wanguvwa mazu yagha, wanguŵa ndi chitima chikuru, ndipo wangukhumba kumutaska Danyele, wangurimbarimba mpaka dazi lingusere.

1 ŴaKaronga 5:7

Penipo Hiramu wanguvwa mazu ghaku Solomoni, wangukondwere ukonga, ndipo wanguti, “Atumbikike Ambuya msana wale, wo apaska Davidi mwana wazeru kuŵa wakuwusa khamu likuru ili.”

Chituwa 18:9

Ndipo Yetero wangukondwa pa vyamampha vyose vyo Ambuya anguchitiya ŵaYisraele, pakuti anguŵapozomoska mu janja la ŵaEgipiti.

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Sumu 18:21

Pakuti ndasunga nthowa za Ambuya, ndipo kuti ndachita uheni kupambana ndi Chiuta wangu cha.