Danyele 6:16 - Tonga Bible 1986

¹⁶ Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”

Danyele 6:16 Referans Kwoze

Jobu 5:19

Wakakutaskanga ku visuzgu vinkhonde ndi chimoza, mu chachinkhonde ndi chiŵi pakaŵangavi chiheni chakukukwaska.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

2 Samuele 3:39

Ndipo ine ndatomboroka msana wale nanga nde karonga wakupakika; ŵanthu yaŵa, ŵana ŵaku Zeruya mbanonono kwangu. Ambuya achitiye wakuchita uheni kwakuyana ndi uheni wake.”

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Danyele 6:20

Penipo wangufika pafupi ndi zenje mwenimo wanguŵa Danyele wangudanirizga ndi mazu ghachitima, ndi wanguti kwaku Danyele, “Danyele wamteŵeti waku Chiuta wamoyo, kumbi Chiuta wako yo uteŵete mazuŵa ghose wakutaska ku nkharamu?”

Machitidu gha Ŵakutumika 25:11

Viyo asani ndananga ndi ndachita kanthu kakwenere nyifwa, kuti ndikana kufwa cha: kweni asani mulive uneneska mwaku vyo yaŵa ŵatindisumuliya, palive yumoza wanthazi kundipereka ŵaka kwaku yaŵa. Ndipazgiya kwaku Kaisare!”

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

ŴaRoma 13:3

Chifukwa ŵakuwusa wokuti mbakofya cha ku nchitu yamampha, kweni ku yiheni. Ndipo asani ukhumba kureka kopa mtufu wo, chitanga cho nchamampha, ndipo ukaŵanga ndi rumbu kwaku wo,

Danyele 6:7

Ŵarongozgi wose ŵa ufumu, ŵeruzgi, ndi mafumu, ŵaupu ndi zinduna, ŵazomerezgana kuti karonga wamike dangu la ufumu ndi walikhozge kuti, yose yo wasopenge Chiuta munyeke, kwa mazuŵa machumi ghatatu (30) kwambura kuti ndimwe pe karonga, wapong'eke muzenje la nkharamu.

Danyele 3:15

Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”

Yeremiya 38:5

Karonga Zedekiya wanguti, “Ehe, wemu manja ghinu; pakuti karonga kuti wangachitapu kanthu cha kakumikana namwe.”

Yeremiya 26:14

Kweni ine, ehe, nde mu manja ghinu. Ndichitiyeni cho chingamuŵiyani chamampha ndi chakurunjika.

Machitidu gha Ŵakutumika 25:9

Kweni Festo, pakukhumba kujipariya wezi mu ŵaYuda, wangwamuka Paulo, ndi wanguti, “Ati, ukhumba kukwere ku Yerusalemu, kweruzgikiya vyenivi paurongo pangu?”

Machitidu gha Ŵakutumika 24:27

Kweni vinguti vyafiskika virimika viŵi, Porkio Festo wangusere mu ura waku Feliko; ndipo pakukhumba kuŵakondweska ŵaYuda, Feliko wangumureka Paulo mu magoŵa.

2 ŴaKorinte 1:10

Yo ku nyifwa yeni yikuru yaviyo wangutitaska, ndipo wamkutitaska: mwaku mweniyo tagomekezga kuti wakatitaskanga so.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yeremiya 38:6

Viyo ŵangumuto Yeremiya ŵangumupong'a mu chisima cha maji chaku Malikiya mwana wa karonga, cho chenga mu bwalo la ukaidi, ŵangumusiska Yeremiya ndi vingwe. Ndipo mwengavi maji mu chisima cho, kweni ulambwe pe, ndipo Yeremiya wanguphata mu ulambwe wo.

Yeremiya 39:17

Kweni ndikakutaskanga iwe mu zuŵa leniliya, atiti Ambuya, ndipo kuti ukaperekekanga mu janja la ŵanthu wo utopa cha.