Danyele 5:11 - Tonga Bible 1986

¹¹ Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Danyele 5:11 Referans Kwoze

Danyele 4:18

Ili ndilo loto ine karonga Nebukadanezara ndingulota. Ndipo iwe Belteshazara, undinene kang'anamuridu kake; pakuti ŵanthu wose ŵa vinjeru ŵamu ufumu wangu ŵatondeka kundinene kang'anamuridu kake. Kweni iwe uziŵa, chifukwa mzimu wa ŵachiuta ŵatuŵa we mwaku iwe.”

Danyele 5:14

Ndavwa ndi iwe kuti mzimu wa ŵachiuta ŵatuŵa we mwaku iwe, ndi kuti ukweru, vinjeru, ndi zeru zakufikapo visanirika mwaku iwe.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

Machitidu gha Ŵakutumika 12:22

Ndipo khamu lo lingubongo, “Ndi liu laku Chiuta, la munthu cha.”

Danyele 2:11

Chinthu cho karonga wafumba nchinonono, palivi yo wangachivumbuwa ku karonga kweni ŵachiuta pe ndiwo wo kuti mbanthu cha.”

2 Samuele 14:17

Sono ndamteŵeti winu ndinguti, ‘Mazu gha mbuyangu karonga ghakandipumuzganga mtima’, pakuti mbuyangu karonga we nge ndi muthenga waku Chiuta kuziŵa umampha ndi uheni. Ambuya Chiuta winu waŵe namwe!”

Machitidu gha Ŵakutumika 16:16

Ndipo kunguŵa, tichiruta ifwe ku malo ghakurombe, kuti msungwana yumoza, wakuŵa ndi mzimu wa kuwukwa, wangukumana nafwe, mweniyo watoliyanga ambuyake chanduwu chinandi wachiloska.

Machitidu gha Ŵakutumika 14:11

Ndipo mizinda yo, yichiwona cho wanguchita Paulo, yingusamphuska mazu ghawo mu chiLukaonia, kuti “Ŵachiuta ŵatisikiya ŵakulinganizgika ndi ŵanthu.”

Chiyambo 41:38

Ndipo Farao wanguti ku ŵateŵeti ŵake, “Kumbi tingaziŵa kusaniya munthu wakuŵa nge ndi uyu, mwaku yo mwe mzimu waku Chiuta?”

Ezekiele 28:3

Inya wendi zeru nadi kuruska Danyele; kulivi kakubisika kwaku iwe;

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 2:22

wavumbuwa vyamu ndimba ndi vinthu vyamuchibisibisi, waziŵa cho chemu mdima, ndi ukweru we kwaku iyo.

Danyele 5:7

Karonga wangudanirizga kuti ŵazi nawo ŵamaula, ŵaKaldiya, ndi ŵaziŵi nyenyezi. Karonga wanguti ku ŵanthu ŵavinjeru ŵamu Babiloni, “Yose yo wangaŵerenga lembo ili ndi kundinene kang'anamuridu kake, wakavwarikikanga vyakuvwara vichesamu ndi ukufu wa golide mu khosi lake, ndipo wakaŵanga wakuwusa wachitatu muufumu wangu.”

Ezekiele 28:4

mu zeru yako ndipo ndi mukuwamo kwako wajisambasiska wamweni, waunjika golide ndi siliva mu vyakusungamo vyuma;

Danyele 4:5

Ndingulota loto lo lingundofya. Po ndingugona pa chita, maghanaghano ndichiwona cha mutu wangu vingundisuzga.

Danyele 4:6

Chifukwa ichi ndingulangula kuti ŵanthu wose ŵa vinjeru ŵamu Babiloni ŵadanike kuza pa maso pangu mwakuti ŵandiziŵiske kang'anamuridu ka loto.