Danyele 4:3 - Tonga Bible 1986

³ Mbukuru nawo wavisimikizgu vyake! Mbukuru nawo wa vyakuziziswa vyake! Ufumu wake mbufumu wa muyaya, ndipo muwusu wake ngwa mgonezi ndi mgonezi.

Danyele 4:3 Referans Kwoze

Sumu 145:13

Ufumu winu ngwamuyaya, ndipo kuusa kwinu nkhwa migonezi ndi migonezi. Ambuya mbakongorekwa mu mazu ghawo ghose, ndi amampha mwaku chose cho achita.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaHebere 1:8

Kweni ndi Mwana yo Chiuta wanguti: “Chitengu nchako cha ufumu, uwusa ufumu wako ndi urunji.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Sumu 105:27

Ŵanguchita nchitu zikuru zaku Chiuta, ndi munthondwi mu Egipiti.

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Yesaya 28:29

Ichi nacho chituliya ku Ambuya ŵamaŵanja; aziziswa mu upu wawo, mbakunozga ukongwa mu chinjeru.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Sumu 92:5

Nawu mbukuru wa milimu yinu, Ambuya! Ngandimba ukongwa maghanaghano ghinu!

Sumu 86:10

Ndimwe pe wakuchita vya minthondwi, chifukwa ndimwe mwija, Chiuta wa mazaza.

Sumu 77:19

Mungwenda mu zinyanja mungwambuka nyanja zikuru, kweni mo mungukanda kuti munguwoneka rwayo cha.

Sumu 72:18

Atumbikike Ambuya, Chiuta waku Yisraele, yo yija wachita vyakuziziswa.

Sumu 66:7

ngwa kuwusa muyaya ndi mazaza ghake, maso ghake ghe pa mitundu ya ŵanthu. Ŵakutwanga ŵareke kujitumphuska paku iyo!

Jobu 25:2

“Muwusu ndi chifyo vye ndi Chiuta; wachita chimangu mu malo ghake gha muchanya.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Danyele 2:2

Viyo karonga wangulangula kuti ŵaukwi, ŵaziŵi nyenyezi, ŵakuwombeza, ndi ŵaKaldiya ŵadanike kuzachivumbuliya karonga maloto ghake. Viyo ŵanguza ndi ŵanguma paurongo pa karonga.