Danyele 3:29 - Tonga Bible 1986

²⁹ Chifukwa ichi ndilangula kuti, ŵanthu wose, mitundu yose, pamwenga kakambidu, ŵakukamba kanthu kose kumikana ndi Chiuta waku Shadreke, Mesheke, Abedenego, ŵakadumulikanga chiŵaru ndi chiŵaru, ndi nyumba zawo zikasanduskikanga makunthu; chifukwa kulivi Chiuta munyake yo waziŵa kutaska viyo.”

Danyele 3:29 Referans Kwoze

Danyele 2:5

Karonga wangwamuka ŵaKaldiya kuti, “Mazu gho ghatuwa mwaku ine ngakuneneska: asani kuti mutindiziŵiska cha cho loto lo ling'anamuwa, mudumulikenge tumana-tumana, ndipo nyumba zinu zisandukenge makunthu.

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Marangu 32:31

Pakuti jarawe lawo kuti le nge ndi Jarawe lidu cha, chingana mbamawongo ŵidu, iwo ŵeneko mberuzgi paku ichi.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Danyele 3:15

Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”

Sumu 3:8

Utaski weku Ambuya; chitumbiku chiŵe pa ŵanthu ŵinu!

Ezra 6:11

Ndipo so ndichita dangu kuti we yose yo wang'anamuliyenge panyeke mazu yagha, nchindamiro yijimphuke ku nyumba yake ndi ŵampayikepo, nyumba yiŵe chiza.

2 ŴaKaronga 10:27

Ŵangubwanganduwa mizati ndi nyumba yaku Bala, ndipo wanguyisanduska chimbuzi mpaka ku zuŵa lino.

Danyele 1:7

Ndipo mura wa ŵamuthenu, wanguŵadana mazina ghanyake; Danyele wangudanika Belteshazara, Hananiya wangudanika Shadreke, Mishaele wangudanika Mesheke, ndi Azariya wangudanika Abedenego.

Danyele 1:19

ndipo karonga wangukamba nawo, ndipo mwaku iwo wose mwengavi kusanirika wakuyana ndi Danyele, Hananiya, Mishaele, ndi Azariya, mu chifukwa ichi ŵamanga paurongo pa karonga.

Danyele 2:17

Sono Danyele wanguruta ku nyumba yake, ndi wanguziŵiska makani yagha kwaku Hananiya, Mishaele, ndi Azariya ŵamoza nayo,

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Danyele 2:49

Danyele wangupempha karonga, ndi wangumika Shadreke, ndi Mesheke, ndi Abedenego pa milimu ya kulamula mu charu chaku Babiloni; kweni Danyele wanguja mu bwalo la karonga yo.

Danyele 3:12

Ŵalipo ŵaYuda ŵanyake ŵeniwo imwe mukuŵamika kulereska milimu yose ya charu cha Babiloni: Shadreke, Mesheke, ndi Abedenego. Ŵanthu yaŵa, karonga, kuti ŵatimuvwiyani cha; kuti ŵateŵete ŵachiuta ŵinu cha, chingana nkhusopa chikozgu chinu cha golide cho mwamika.”

Danyele 6:28

Viyo Danyele uyu wangukuzgika mu muusu waku Dariusi ndi mu muwusu waku Sirusi mu Perese.