Danyele 3:28 - Tonga Bible 1986

²⁸ Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Danyele 3:28 Referans Kwoze

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Chivumbuzi 12:11

Kweni iwo ŵamupundiya mu ndopa za Mwana-mberere yo, ndi mu mazu gha ukaboni wawo; pakuti ŵengavi kughanja maumoyo ghawo mpaka ku nyifwa.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

Machitidu gha Ŵakutumika 5:19

Kweni mungelo wa Ambuya ndi usiku wangujurako ku makhomo gha ulinda wo, ndipo wati waŵarongozge kubwaro wanguti,

Danyele 3:25

“Inya, karonga.” Wanguti, “Kweni ine ndiwona ŵanthu ŵanayi ŵakufwatulika ŵatenda mukati mu moto ndipo kuti mbakocheka cha; kweni kawonekedu ka wachinayi kalingana nge ndi mwana wa ŵachiuta.”

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

ŴaFilipi 1:20

uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

2 Mikoka 32:21

Ndipo Ambuya angutuma mungelo yo wangukoso wose ŵara ndi ŵachirongozgi mu nkhondo ya karonga wa Asiriya. Viyo wanguwe ndi soni kuruta ku charu chake. Ndipo wanguti wafika ndikusere mu nyumba yaku chiuta wake, ŵanyake ŵa ŵana ŵake ŵangumubaya ndi lipanga.

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

ŴaHebere 11:37

Wangupong'eka mya ŵanguchekeka, ŵangweseka, ŵangubayika ndi lipanga: ŵanguwurawura ŵakuvwara vikopa vya mberere ndi vikopa vya mbuzi: ŵakavu, ŵakusuzgika, ŵakuchitika uheni,

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

Machitidu gha Ŵakutumika 4:19

Kweni Petro ndi Yohane, pakuŵamuka, ŵanguti, “Asani nkhwakurunjika paurongo paku Chiuta kuvwiya imwe kwakuruska Chiuta, yeruzgani;

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Sumu 34:22

Ambuya awombo umoyo wa ŵaŵanda ŵawo; palivi nanga njumoza wa ŵakudingang'a mwaku iwo yo wakasuskikanga.

Sumu 33:21

Inya mtima widu ukondwere mwaku iwo, chifukwa tigomezga mu zina lawo lituŵa.

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Ezra 6:11

Ndipo so ndichita dangu kuti we yose yo wang'anamuliyenge panyeke mazu yagha, nchindamiro yijimphuke ku nyumba yake ndi ŵampayikepo, nyumba yiŵe chiza.

Ezra 1:3

Munthu wako yose yo we mukati mwinu Chiuta wake waŵe nayo, wakwere ku Yerusalemu kwachizenga so nyumba ya Ambuya Chiuta waku Yisraele yo ndi Chiuta waja mu Yerusalemu;

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

Chiyambo 9:26

Wangukamba so, “Watumbikike Shemu ndi Ambuya Chiuta wangu; ndipo Kanani waŵe muŵanda wake.

Sumu 103:20

Rumbani Ambuya, mose mwa ŵangelo ŵawo, mwa vilimbi vyanthazi, mwakuvwiya marangu ghawo, mwa ŵakutegherezga kwaku vyo akamba!

1 ŴaKorinte 13:3

Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Danyele 6:16

Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”