Biblia Todo Logo
Bib sou entènèt

- Piblisite -




Danyele 3:1 - Tonga Bible 1986

1 Karonga Nebukadanezara wangupanga chikozgu cha golide; cho msinkhu wake wenga mikono machumi ghankhonde ndi limoza (60) ndi uvimba wake mikono yinkhonde ndi umoza. Wanguchimika mu chidika cha Dura, mu charu cha Babiloni.

Gade chapit la Kopi




Danyele 3:1
29 Referans Kwoze  

Soka kwaku yo wanena ku chimuti chakusemeka, Yuka; ndi ku mwa wambuwu Ima! Kumbi ichi chingapereka uvumbuzi? Wona, nchakumatika ndi golide ndi siliva, mulivi muvuchi mukati chingana nkhamana.


Kumbi munthu wangaziŵa kujipangiya ŵachiuta? Ŵa viyo kuti mbachiuta cha!”


Ŵeniwo ŵasakaza golide kutuwa mu chikwama, ndi kupima siliva pa myeso, ŵalembera ŵakusula golide, ndipo iyo wativipanga kuŵa chiuta: sono iwo ŵatuwa pasi ndi kumusopa!


Ŵamika ŵakaronga, kweni ŵakuturiya kwaku ine cha; ŵamika mafumu, kweni kwambura ine kuziŵa. Ŵapanga ŵangoza ndi siliva ndi golide wawo, kujipasuwa.


Ndipo muwona ndi mutuvwa, kuti mu Efeso pe cha, kweni viŵiviŵi mu Asia yose mwenuyu Paulo wakopa ndi wapuruska urapasi wa ŵanthu, pakukamba kuti mbachiuta cha wo ŵachitika ndi manja:


“Pakuŵa viyo mbumba yaku Chiuta, tingarunguruka cha kuti Uchiuta wo ukozgana ndi golide pamwenga siliva pamwenga mwa, wakusemeka ndi chinjeru ndi njeza ya munthu.


Mu zuŵa liya ŵanthu ŵakatayanga ŵangoza ŵawo ŵa siliva ndi ŵangoza ŵawo ŵa golide, ŵeniwo ŵangujichitiya kuŵasopa, ku ŵakalulu ndi ŵakasusa,


Ŵangoza ŵamitundu ndi siliva ndi golide; nchitu ya manja gha ŵanthu.


Viyo karonga wanguchita upu, ndipo wanguchita mathole ghaŵi gha golide. Ndipo wanguti ku ŵanthu, “Mwakwere ku Yerusalemu nyengo yitali ukongwa: Awonani ŵachiuta ŵinu, Yisraele we, ŵeniwo ŵangukutuzgani mu charu cha Egipiti.”


kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.


Viyo karonga wangupaska Danyele ulemu ndi vyawanangwa vinandi, ndi kumumika kuŵa wakuwusa chigaŵa chose cha Babiloni.


Siliva wakusula watoreka ku Tarshishi, ndi golide kutuwa ku Ufazi. Ivi ndi nchitu ya ŵamisiri ndi ya manja gha ŵakusula golide; kuvwara kwawo ndi saru ya majimaji ndi ya manjani; yaŵa wose ndi nchitu ya ŵamisiri.


Sono mukakazuzganga ŵangoza ŵinu ŵakusema ŵakuzgangika ndi siliva ndi ŵangoza ŵinu ŵakwenguwa ŵakuzgangika ndi golide. Mukaŵaparghang'anga nge ndi vinthu vyaukazuzi, mukakambanga kwaku wo kuti, “Rutaninga!”


Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.


Viyo Mosese wanguwere ku Ambuya ndi wanguti, “Owe! Yaŵa ŵanthu ŵachita uheni ukuru, ŵajichitiya ŵachiuta ŵa golide.


Kuti mukachitanga ŵachiuta ŵa siliva cha kuŵa pamoza nane, chingana nkhujichitiya ŵachiuta ŵa golide cha.


Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;


Sono karonga wangukuzga Shadreke, Mesheke, ndi Abedenego mu charu cha Babiloni.


Mu mazuŵa ghaku Ahaswerusi, uyu ndi Ahaswerusi yo wausanga kutuwa ku India kwachifika ku Etiopia, pa vyaru machumi pe chumi pachanya machumi ghaŵi ndi vinkhonde ndi viŵi (127).


Nebukadanezara wanguti kwaku iwo, “Kumbi nchakuneneska kuti, imwe Shadreke, Mesheke, ndi Abedenego muteŵete ŵachiuta ŵangu cha, chingana nkhusopa chikozgu cha golide cho ndamika?


Ŵangumwa vinyo ndi ŵangukankhuska ŵachiuta ŵa golide ndi siliva, ŵa mkuŵa, ŵa chisulo, ŵa muti, ndi ŵa mwa.


Chifukwa wengavi kuziŵa kuti ndine ndingumupaska trigu, vinyo ndi mafuta, ndi kumwandaniskiya siliva, ndi golide, lenilo wanguchitiya Bala.


Danyele wangupempha karonga, ndi wangumika Shadreke, ndi Mesheke, ndi Abedenego pa milimu ya kulamula mu charu chaku Babiloni; kweni Danyele wanguja mu bwalo la karonga yo.


Swiv nou:

Piblisite


Piblisite