Danyele 2:49 - Tonga Bible 1986

⁴⁹ Danyele wangupempha karonga, ndi wangumika Shadreke, ndi Mesheke, ndi Abedenego pa milimu ya kulamula mu charu chaku Babiloni; kweni Danyele wanguja mu bwalo la karonga yo.

Danyele 2:49 Referans Kwoze

Danyele 1:7

Ndipo mura wa ŵamuthenu, wanguŵadana mazina ghanyake; Danyele wangudanika Belteshazara, Hananiya wangudanika Shadreke, Mishaele wangudanika Mesheke, ndi Azariya wangudanika Abedenego.

Estere 2:19

Ŵanguti ŵawunganiskika ka chiŵi ŵamwali ŵa, Mordikayi wanguja pa likomo la karonga.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Estere 2:21

Mu mazuŵa gha Mordikayi weche kuja pa likomo la karonga, ŵasungi nyumba ŵaŵi ŵa karonga Bigtani ndi Teresi, ŵamoza ndi ŵalinda ŵa likomo ŵangukalipa, ŵakhumbanga kumuko karonga Ahaswerusi.

Danyele 2:17

Sono Danyele wanguruta ku nyumba yake, ndi wanguziŵiska makani yagha kwaku Hananiya, Mishaele, ndi Azariya ŵamoza nayo,

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Yeremiya 39:3

Penipo Yerusalemu wangutoreka, ŵaraŵara wose ŵa karonga ŵa Babiloni ŵanguza ndi ŵanguja pasi mu likomo la pakati: Nergala-sharezere, Samagaranebo, Serasekimu mlonda mura, Nergalasharezere, mchimi mura, pamoza ndi nduna zose za karonga wa Babiloni.

Nthanthi 28:12

Penipo murunji wapunda, pe unkhankhu ukuru; kweni penipo wa mphulupulu wayuka ŵanthu ŵabisama,

Estere 3:2

Ndipo ŵateŵeti wose ŵa karonga ŵapa likomo la karonga ŵangukotama ndi kumlambiya Hamani, chifukwa karonga wangulangula viyo paku iyo.

Danyele 6:2

Ŵara ŵawo ŵangumika ŵarongozgi ŵatatu, yumoza waku wo wenga Danyele, kuti mafumu ghose ghaperekenge makani kwaku iwo, mwakuti karonga wareke kusuzgika.

Danyele 3:1

Karonga Nebukadanezara wangupanga chikozgu cha golide; cho msinkhu wake wenga mikono machumi ghankhonde ndi limoza (60) ndi uvimba wake mikono yinkhonde ndi umoza. Wanguchimika mu chidika cha Dura, mu charu cha Babiloni.