Danyele 2:48 - Tonga Bible 1986

⁴⁸ Viyo karonga wangupaska Danyele ulemu ndi vyawanangwa vinandi, ndi kumumika kuŵa wakuwusa chigaŵa chose cha Babiloni.

Danyele 2:48 Referans Kwoze

Danyele 2:6

Kweni asani mungandiziŵiska cho loto lo ling'anamuwa, murondenge vyawanangwa, mphoto ndi ulemu ukuru. Viyo ndiziŵiskeni loto lo ndi cho ling'anamuwa.”

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Danyele 4:9

“Iwe Belteshazara, wa mura wa ŵaukwi, chifukwa ndiziŵa kuti mzimu wa ŵachiuta ŵatuŵa we mwaku iwe, ndi kuti kulivi chamuchibisibisi cho nchinonono kwaku iwe, ili ndilo loto lo ndingulota, undinene kang'anamuridu kake.

Danyele 5:29

Viyo Beleshazara wangulangula kuti Danyele wavwarikike nkhazu ndi ukufu mu khosi lake, ndipo kunguwandiskika kuti waŵi wakuwusa wachitatu mu ufumu.

Danyele 5:16

Kweni ndavwa kuti uziŵa kundinene kang'anamuridu ndi kufwatuwa maunonono. Sono asani ungaŵerenga lembo ndi kundiziŵiska kang'anamuridu kake, ukavwarikikanga vyakuvwara vichesamu ndi ukufu wa golide mu khosi lako, ndi ukaŵanga wakuwasa wachitatu mu ufumu wangu.”

Danyele 3:30

Sono karonga wangukuzga Shadreke, Mesheke, ndi Abedenego mu charu cha Babiloni.

Danyele 3:12

Ŵalipo ŵaYuda ŵanyake ŵeniwo imwe mukuŵamika kulereska milimu yose ya charu cha Babiloni: Shadreke, Mesheke, ndi Abedenego. Ŵanthu yaŵa, karonga, kuti ŵatimuvwiyani cha; kuti ŵateŵete ŵachiuta ŵinu cha, chingana nkhusopa chikozgu chinu cha golide cho mwamika.”

Danyele 3:1

Karonga Nebukadanezara wangupanga chikozgu cha golide; cho msinkhu wake wenga mikono machumi ghankhonde ndi limoza (60) ndi uvimba wake mikono yinkhonde ndi umoza. Wanguchimika mu chidika cha Dura, mu charu cha Babiloni.

Yeremiya 5:5

Ndikarutanga ku ŵaraŵara, ndamurongoro nawo; pakuti ŵaziŵa nthowa ya Ambuya, dangu laku Chiuta wawo.” Kweni iwo so nawo ŵangufyo goli lo, ŵakuswa maunyoro ghakumangiya.

Jobu 1:3

Wenga ndi mberere, vikwi vinkhonde ndi viŵi (7,000) ŵagamila vikwi vitatu (3,000) magori gha ng'ombe machumi pe chumi ghankhonde (500), ndi mbunda zinthukazi, machumi pe chumi ghankhonde (500) ndi ŵateŵeti ŵanandi ukongwa, viyo munthu uyu wenga wakuzirwa ukongwa kuruska ŵanthu wose kuvuma.

2 ŴaKaronga 5:1

Namani wakulanguliya liŵanja la nkhondo la karonga ŵaSiriya wenga munthu wakuzirwa ku mbuyake ndi wamagomekezgeka ukongwa, chifukwa mwaku iyo Ambuya angupaska upundi kwaku Siriya. Wenga ngwazi ya nkhondo, kweni wamakhate.

2 Samuele 19:32

Barzilai wenga wakukota ukongwa wa umoyo wa virimika machumi ghankhonde ndi ghatatu (80); ndipo ndiyo wapaskanga kurgha karonga po wajanga pa Mahanaimi; pakuti wenga munthu msambasi ukongwa.

1 Samuele 25:2

Kuwa kwenga munthu mu Maono, yo nchitu yake yenga ku Karmele. Munthu uyu wenga musambasi; wenga ndi mberere vikwi vitatu (3,000) mbuzi chikwi chimoza (1,000) wasenganga mberere zake mu Karmele.

1 Samuele 17:25

ŴaYisraele ŵanguti, “Mwamuwona munthu uyu yo watikwere? Ndithu waziya kwazinyoaza Yisraele; ndipo munthu yo wangabaya karonga wamusambasiskenge ndi usambasi unandi, ndipo wampaskenge mwana wake munthukazi, nyumba ya awiske nayo yisanduskikenge kuŵa yanangwa mu Yisraele.”

Maŵerengedu 24:11

Chifukwa chenichi sono rutanga ku malo ghako; Ndingunena kuti, ‘Kwakuneneska ndikuchitiyenge ulemu,’ kweni Ambuya amika ulemu wako.”

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.

Danyele 5:7

Karonga wangudanirizga kuti ŵazi nawo ŵamaula, ŵaKaldiya, ndi ŵaziŵi nyenyezi. Karonga wanguti ku ŵanthu ŵavinjeru ŵamu Babiloni, “Yose yo wangaŵerenga lembo ili ndi kundinene kang'anamuridu kake, wakavwarikikanga vyakuvwara vichesamu ndi ukufu wa golide mu khosi lake, ndipo wakaŵanga wakuwusa wachitatu muufumu wangu.”

Danyele 8:27

Ndipo ine, Danyele ndingugururuka nthazi ndi ndingutama kwa mazuŵa ghanandi; pavuli ndinguchira, ndingutakataka nchitu ya karonga; kweni ndenga wakuzizwa ndi chiwona ichi, kuti ndinguchiziŵiska cha.

Danyele 4:6

Chifukwa ichi ndingulangula kuti ŵanthu wose ŵa vinjeru ŵamu Babiloni ŵadanike kuza pa maso pangu mwakuti ŵandiziŵiske kang'anamuridu ka loto.