Danyele 2:30 - Tonga Bible 1986

³⁰ Chamuchibisibisi ichi chavumbulika kwaku ine, nchifukwa cha zeru zo ndenazo cha kwakuruska wose ŵanyake wo ŵaliko, kweni nchifukwa chakuti kang'anamuridu kaziŵikwe ku karonga mwakuti muziŵi maghanaghano gha mutu winu.

Danyele 2:30 Referans Kwoze

Chiyambo 41:16

Yosefe wangwamuka Farao, “Ichi kuti che mwangu cha; Chiuta ndiyo wakapaskanga Farao kwamuka kwakwenere.”

Machitidu gha Ŵakutumika 3:12

Kweni wachiwona, Petro wangunene khamu lo, “Mwaŵanthu mwaŵaYisraele muzizwiyanji paku chenichi, pamwenga mulereskiyanji paku ifwe, nge ndi nthazi yidu pamwenga usopi widu tayendeska mwenuyu?

2 ŴaKorinte 4:15

Chifukwa vyose vyo viŵiya chifukwa chinu, alinga kuti wo wezi, wakwandaniskikiya mu kuwonga kwa urapasi ufurwiyenge ku unkhankhu waku Chiuta.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

Marko 13:20

Ndipo asani Ambuya awurengevi kufupikiska mazuŵa gho, mphanyi kuti yatinge yipozomoskekenge cha nyama ye yose: kweni pa chifwa cha ŵakusankhika wo ŵakusankha, ŵakufupikiska mazuŵa gho.

Mateyu 24:22

Ndipo asani ghengavi kufupiskika mazuŵa gha, mphanyi kuti chingana njumoza watinge wataskikenge cha: kweni chifukwa cha ŵakusankhika ghafupiskikenge mazuŵa gha.

Amosi 4:13

Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!

Danyele 2:49

Danyele wangupempha karonga, ndi wangumika Shadreke, ndi Mesheke, ndi Abedenego pa milimu ya kulamula mu charu chaku Babiloni; kweni Danyele wanguja mu bwalo la karonga yo.

Danyele 1:17

Chiuta wanguŵapaska ŵanyamata yaŵa vinjeru ndi mziŵiro mu malembo ghose ndi mu vinjeru; ndipo Danyele wanguŵa ndi mziŵiro wa vinjeru mu chakuwona chose ndi mu maloto ghose.

Yesaya 45:4

Chifukwa cha mteŵeti wangu Yakobe, ndi Yisraele wakusankhika wangu, nditikudana zina lako iwe, nditukupaska chiwongu, chingana iwe ureke kundiziŵa.

Sumu 139:2

Imwe muziŵa chose cho ndichita, kutuliya kutali muwamo maghanaghano ghangu ghose.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”