Danyele 2:20 - Tonga Bible 1986

²⁰ Danyele wanguti: “Lithamikike zina laku Chiuta muyaya ndi muyaya, chifukwa zeru ndi nthazi vyake.

Danyele 2:20 Referans Kwoze

Sumu 113:2

Zina lawo lirumbike, sono mpaka ku muyaya!

Jobu 12:13

“Kwaku Chiuta kwe vinjeru ndinthazi, we ndi fundu ndi vinjeru.

Chivumbuzi 5:12

wo ŵakambanga ndi mazu ghakuru kuti, “Ngwakwenere Mwana-mberere yo wangubayika, kuronde nthazi, ndi usambasi, ndi zeru, ndimazaza, ndi rumbu, ndi unkhankhu, ndi thumbiku!”

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Sumu 147:5

Mbakuru Ambuya, ndi anthazi zikuru; kuwamo kwawo nkhwambura wakonkhomeka.

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Nthanthi 8:14

Ndendi chipangu ndi zeru yakufikapo, ndendi kuziŵa kwa mukati, ndendi nthazi.

Sumu 115:18

Kweni ifwe, taŵamoyo, titumbikenge Ambuya, kutuwa kuno ku sono mpaka ku muyaya. Rumbani Ambuya!

1 ŴaKaronga 8:56

“Atumbikike Ambuya wo apaska chipumulo ku khamu lawo Yisraele, kwakulingana ndi vyose vyo angupangana, palivi mazu nanga ngamoza gho ghatondeka kufiskika mu mapangano ghawo ghose ghamampha, gho angukambiya mwaku Mosese mteŵeti wawo.

Mateyu 6:13

Ndipo mungatitole mu kesedu kweni titaskeni ku mheni yo.

Sumu 62:11

Kwakuruska kamoza ndavwa Chiuta watiti: nthazi ze kwaku Chiuta;

Sumu 50:23

Yo wapinga chisopo cha kuwonga nge ndi sembe yake, wakankhuska ine; kwaku yo wanozga nthowa yake, ndirongonge chipozomosko chaku Chiuta!”

Sumu 41:13

Atumbikike Ambuya, Chiuta waku Yisraele, kutuwa ku muyaya mpaka ku muyaya! Ameni ndi Ameni.

2 Mikoka 20:21

Wanguti wakambiskana ndi ŵanthu wanguŵika ŵakumbiya ndi kumukankhuska Chiuta mu kuvwara kwa utozi, ŵachidanjiya paurongo pa nkhondo ŵachiti, “Tumbikani Ambuya, chifukwa nchamuyaya chifundu chawo.”

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

Chiyambo 14:20

ndi watumbikike Chiuta Wapachanya Limu mweniyo wapereka ŵarwani ŵako mu janja lako.” Ndipo Abramu wangupaska iyo cha chichumi cha mu vinthu vyose.

Sumu 113:1

Rumbani Ambuya! Rumbani, mwa ŵateŵeti ŵa Ambuya, rumbani zina la Ambuya!

Ezekiele 28:3

Inya wendi zeru nadi kuruska Danyele; kulivi kakubisika kwaku iwe;

Nehemiya 9:5

Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”