Danyele 2:12 - Tonga Bible 1986

¹² Pa chifukwa ichi karonga wangutundiya ndi kukaripa, ndipo wangulangula kuti ŵazeru wose ŵamu Babiloni ŵabayike.

Danyele 2:12 Referans Kwoze

Danyele 3:13

Sono Nebukadanezara mu kandundu kake kakuru, wangulangula kuti ŵazi nawo Shadreke, Mesheke, ndi Abedenego. Ndipo ŵanguza nawo paurongo pa karonga.

Mateyu 2:16

Herode, pakuwona kuti wapusikika ndi ŵaukwi, wangukaripa ukongwa, ndipo wangutuma ndi wangukoso ŵana ŵanthurumi wose mu Betelehemu ndi mu mphaka zake zose, ŵa virimika viŵi ndi pasi pake, kwakulingana ndi nyengo yo ŵanguziya ŵaukwi wo.

Danyele 3:19

Viyo Nebukadanezara wangutundiya ukongwa ndipo kawonekedu ka chisku chake kangusanduka kakumikana ndi Shadreke, Mesheke, ndi Abedenego. Wangulangula kuti ŵasonkhenge ng'anjo kankhonde ndi kaŵi kwakuruska mo yasonkhezgekiyanga pakudanga.

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Danyele 2:5

Karonga wangwamuka ŵaKaldiya kuti, “Mazu gho ghatuwa mwaku ine ngakuneneska: asani kuti mutindiziŵiska cha cho loto lo ling'anamuwa, mudumulikenge tumana-tumana, ndipo nyumba zinu zisandukenge makunthu.

Nthanthi 29:22

Munthu wachikwiya wayuska ndeu, ndipo munthu wa chikalalizga wachitiska utimbanizi unandi.

Nthanthi 20:2

Ukari wakofya wa karonga we uli nkhuwuruma kwa kamanakamana kwa nkharamu, mweniyo watimusosomole ku ukari wapereka umoyo wake.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Nthanthi 16:14

Ukari wakaronga ndi thenga la nyifwa ndipo munthu wazeru waupozgenge.

Jobu 5:2

Nadi ukari ubaya wakupusa ndipo sanji yibaya wakuyuyuka.

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Danyele 2:24

Viyo Danyele wangusere kwaku Arioki mweniyo karonga wangumutondo kwananga ŵazeru ŵamu Babiloni; wangusere ndi wanguti kwaku iyo, “Ungabayanga cha ŵazeru ŵamu Babiloni; ndiserenge paurongo pa karonga, ndipo ndakumunene karonga cho loto lake ling'anamuwa.”

Danyele 5:19

ndipo chifukwa chakuzirwa ko wangumupaska, ŵanthu wose, mitundu ya ŵanthu, ndi makambidu ŵangutenthema ndi kopa paurongo pake. Yo wangukhumba kubaya, wangubaya, ndipo yo wangukhumba kusunga, wangumsunga wamoyo. Yo wangukhumba kumsoska, wangumsoska; ndipo yo wangukhumba kusiska, wangumsiska.