Danyele 2:11 - Tonga Bible 1986

¹¹ Chinthu cho karonga wafumba nchinonono, palivi yo wangachivumbuwa ku karonga kweni ŵachiuta pe ndiwo wo kuti mbanthu cha.”

Danyele 2:11 Referans Kwoze

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Mateyu 19:26

Kweni Yesu pakuŵalereska wanguti, “Ku ŵanthu kuti nchamachitika cha ichi, kweni kwaku Chiuta vyose vyamachitika.”

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Chituwa 29:45

Ndipo ndikajanga mukati mu ŵaYisraele, ndipo ndikaŵanga Chiuta wawo.

Chiyambo 41:39

Viyo Farao wanguti kwaku Yosefe, “Pakuwona kuti Chiuta wakurongo chose chenichi, palive yo ngwakujiyuyuwa ndi wazeru wakuŵa nge ndiwe;

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

Yoele 3:21

Nditayiyenge thayu pa ndopa zawo, ndipo kuti ndiphotonge ŵalakwi cha, chifukwa Ambuya ŵaja mu Zioni.”

Yesaya 8:18

Ehe, ine ndi ŵana ŵeniwo Ambuya akundipaska te visimikizgu ndi vyakuwoniyapo mu Yisraele kutuliya ku Ambuya ŵa maŵanja, wo ŵaja pa phiri Zioni.

Sumu 132:14

“Apa ndipo ndikajanga muyaya; apa ndipo ndikajanga chifukwa ndakhumbapo.

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

2 Mikoka 6:18

“Kweni kumbi nadi Chiuta wakajanga ndi munthu pa charu chapasi? Onani machanya gha machanya kuchanya kuti ghangamukwaniskani Imwe cha; kumbi nyumba iyi ndazenga ine yingamuyanani uli!

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

Maŵerengedu 35:34

Mureke kukazuzga charu cho mujamo, chenicho ine ndija mukati mwake; pakuti ine Ambuya ndija mukati mu ŵaYisraele.”

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Yesaya 47:12

Zikitizga kuma mu matera ghako mu ŵavyanisi ŵako ŵanandi, wo watakataka nawo kwamba ku usungwana wako; kokuli ungaziŵa kupunda pamwenga ukawofyanga.

Danyele 4:4

Ine, Nebukadanezara, ndenga wakupumuwa mu nyumba yangu ndi wakusakata mu nyumba yangu ya ufumu.