Danyele 2:1 - Tonga Bible 1986

¹ Mu chirimika cha chiŵi cha muwusu waku Nebukadanezara, Nebukadanezara wangulota maloto; ndipo mtima wake ungusuzgika nagho, ndi tulu twake tingukamuka.

Danyele 2:1 Referans Kwoze

Danyele 4:5

Ndingulota loto lo lingundofya. Po ndingugona pa chita, maghanaghano ndichiwona cha mutu wangu vingundisuzga.

Estere 6:1

Usiku uwa tulu twa karonga tingukamuka, ndipo wangulangula kuti ŵazi nalo buku la mkoka, ndipo linguŵerengeka paurongo pa karonga.

Danyele 2:3

Ndipo karonga wanguti kwaku wo, “Ndalota loto, ndipo mtima wangu usuzgika kuti, mphanyi ndinguziŵa cho loto ling'anamuwa.”

Yeremiya 25:1

Mazu gho ghanguza kwaku Yeremiya gha pa ŵanthu wose ŵaYuda, mu chirimika cha chinayi chaku Yehoyakimu mwana waku Josiya karonga waku Yuda (cho chenga chirimika chakudanga chaku Nebukadanezara karonga wa Babiloni),

Danyele 6:18

Viyo karonga wanguruta ku nyumba yake, wangukana kurgha usiku wose ndipo chingana vyakumbiya vyengavi kutoreke kwaku iyo, ndi tulo nato twengavi kuzamo mu maso ghake.

Danyele 5:9

Viyo karonga Beleshazara wangusuzgika ukongwa, kawonekedu kake kangusanduka, ndi nduna zake zinguzizikika.

Danyele 7:1

Mu chirimika chakudanga cha karonga Beleshazara waku Babiloni, Danyele wangulota loto ndi wanguwona chiwona cha mu mutu wake mu chita chake. Ndipo wangulemba loto lo kukonkhoska vyo wanguwona.

Danyele 4:2

Kwaŵa kwamampha kwaku ine kurongo visimikizgu ndi vyakuziziswa vyo Chiuta wapachanya limu wandichitiya.

Danyele 7:15

“Mtima waku ine, Danyele, wenga mukati mwangu wakwenjerwa, chiwona cha mutu wangu chingundisuzga.