Danyele 12:2 - Tonga Bible 1986

² Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Danyele 12:2 Referans Kwoze

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Ezekiele 37:12

Chifukwa cho chima, ŵanene kuti, Viyo atiti Ambuya Chiuta: Ehe, ndikajuranga miunda yinu, ndi kumuyuskiyani kubwaro kwa miunda, mwa ŵanthu ŵangu imwe, ndikamuwezgiyaninga kwinu mu charu chaku Yisraele.

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

Machitidu gha Ŵakutumika 24:15

pakuŵa ndi chigomekezgu mwaku Chiuta, chenicho iwo nawo ŵeneko ŵalereze, kuti chiŵengepo chiyuka cha ŵarunji ndi ŵaziraurunji.

1 ŴaTesalonika 4:14

Chifukwa asani tivwana kuti Yesu wangufwa ndi wanguyuka, viyo so Chiuta, mwaku Yesu, waŵatoliyenge pamoza nayo wo mbakura tulo.

Yesaya 66:24

“Ndipo ŵakarutanga kwachilereska pa viŵanda vya ŵanthu wo ŵakundigarukiya; pakuti fusi zawo kuti zikafwanga cha, moto wawo kuti ukazimwanga cha, ndipo ŵakaŵanga ŵakutinkhika ku nyama yose.”

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

ŴaRoma 9:21

Pamwenga, kumbi muumbi walive mtufu pa dongu, kuchita ndi burunga lenilo pe chiyaŵi chimoza ku rumbu, ndi chiyaŵi chinyake ku myuyu?

Machitidu gha Ŵakutumika 7:60

Ndipo pakupeta makongonu, wangukambura ndi liu likuru, “Ambuya, mungaŵaŵikiya ulakwi uwu cha.” Ndipo wanguti wakamba ichi, wangura.

Nthanthi 12:8

Munthu warumbika kwakuyana ndi chinjeru chake chamampha, kweni mweniyo ngwa muwongo wakulandizga wasekeka.