Danyele 12:13 - Tonga Bible 1986

¹³ Kweni iwe rutanga mpaka umari; ndipo upumuwenge ndi ukamanga mu malo gho ghakupaskika kwaku iwe pa umari wa mazuŵa.”

Danyele 12:13 Referans Kwoze

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

Zekariya 3:7

“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa.

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Sumu 16:5

Imwe Ambuya, nchigaŵa changu chakusankhika, mutindipaska chose cho ndikhumba; umoyo wangu we mu manja ghinu.

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

Sumu 1:5

Viyo ŵaheni kuti ŵasokenge cha mu kweruzga, nanga mbakunanga mu mpingu wa ŵakurunjika;

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Chituwa 33:14

Ndipo iwo anguti, “Ndikarutanga nawe ndipo ndikakupumuzganga.”

Sumu 16:9

Pa chifukwacho mtima wangu ukondwa, ndipo mzimu wangu usekere; liŵavu langu nalo lija kwakufwasa.