Danyele 12:10 - Tonga Bible 1986

¹⁰ Ŵanandi ŵajitoweskenge, ndi kujichita ŵatuŵa, ndi ŵakatozgekanga; kweni ŵaheni ŵachitenge uheni; kulivi yumoza yo wakawangamu, kweni wo mbazeru pe ndiwo ŵawengemu.

Danyele 12:10 Referans Kwoze

Chivumbuzi 22:11

Mzira-urunji yo wachite so uzira-urunji: wawiyu yo waŵe so wawiyu: murunji yo wachitenge urunji: ndipo wakupaturika wajaririyenge so wakupaturika.”

Danyele 11:35

Ndipo ŵanyake ŵaku wo ŵazeru ŵakawanga, mwakuti ŵapepeteke ndi ŵaphotoleke, ndi ŵatuŵiskike kufika ku nyengo yaku umari, chifukwa yeche ŵaka nyengo yakutemeka.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Yohane 8:47

Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe ŵakwaku Chiuta cha.”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Chivumbuzi 3:18

Chifukwa ichi ndikupangizga kugula kwangu golide lakwengeka mu moto, alinga kuti usambase: ndi minjirira yituŵa kuti ujivwarike, mwakuti soni ya unkhuli wako yireke kurongoreka: ndi munkhwara wa kupaka mumaso ghako, alinga kuti ulereske.

Nthanthi 1:5

munthu wa zeru nayo wavwe ndi wakuskiyeko masambiro, ndi munthu wakuwamo wapenje umisili,

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Danyele 11:33

Ndipo ŵanthu wo mbazeru mukati mwaku wo ŵasambizgenge ŵanandi, chingana ŵakawanga ndi lipanga ndi mlipu wo moto, umkoli, ndi uskowi mazuŵa ghanandi.

Ezekiele 47:11

Kweni mathaŵale ghake ndi urambwi wake kuti vikaŵanga vyamampha cha, vikasiyikanga kuŵa mche.

Chivumbuzi 19:14

Ndipo maliŵanja ghakuchanya ghamrondonga pa ŵakavalo ŵatuŵa, ŵakuvwarikika bafuta mtuŵa ndi wakutowa.

Chivumbuzi 19:8

Ndipo wanguzomerezgeka iyo kuti wavwarikike bafuta, wakuŵala ndi wakutowa”: chifukwa bafuta wakutowa yo ndi machitidu ghaurunji gha ŵakupaturika.

Chivumbuzi 16:11

ndipo ŵangumtuka Chiuta wakuchanya chifukwa cha mauriwirwi ndi vironda vyawo; ndipo kuti ŵangung'anamukaku cha ku nchitu zawo.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

ŴaHebere 12:10

Chifukwa iwo nadi ku mazuŵa ghakuŵerengeka ŵatilanganga uli ndimo kunguŵaoneke umampha; kweni iyo pa chifukwa cha chanduku chidu, alinga kuti tisangane upatulika wake.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Marko 4:11

Ndipo waŵaneniyanga, “Kwaku imwe kupaskika mangari gho gha ufumu waku Chiuta: kweni kwaku ŵa ŵakubwaro vinthu vyose vituŵaŵiya mu zintharika:

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Sumu 107:43

Wo wose mba zeru ŵaghaneghane ndi vinthu ivi ŵaziŵiske ndichanju chakufikapo cha Ambuya.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

1 Samuele 24:13

Nge ndimo nthanthi ya ŵamwaka yikambiya, ‘Mu mheni mutuwa uheni,’ kweni janja langu kuti limikanenge namwe cha.

Malaki 3:3

wajenge nge ngwakwenga ndi wakutozga siliva. Wakatozganga ŵana ŵaku Levi ndi kuŵayengetuwa nge ndi golide ndi siliva, mpaka ŵapereke mipasku yakwenere ku Ambuya.