Danyele 11:45 - Tonga Bible 1986

⁴⁵ Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.

Danyele 11:45 Referans Kwoze

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Danyele 8:25

Ndipo ndi uchenjezi wake wachitenge chanduwu chaupusikizgi mu janja lake, wajikuzgenge mu vinjeru vyake. Kwambura kudanga wachenjezga wakabayanga ŵanthu ŵanandi ndipo wakamikananga so ndi karonga wa ŵakaronga; kweni wakabwangandukanga kwambura janja la munthu.

Chivumbuzi 20:9

Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha.

Chivumbuzi 20:2

Ndipo wanguko nchalinda yo, njoka yo yamwaka, yo ndi Diabolo ndi Satana; ndipo wangumumanga virimika chikwi,

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

2 ŴaTesalonika 2:8

Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo.

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Yoele 2:20

“Ndinderezgenge kutali ŵanthu ŵaku nkhonde kuŵadikiskiya ku charu cha chiparamba ndi chakupasuka; ŵakudanga ŵake ku nyanja yaku vuma, ŵakuvuli ku nyanja yaku zambwe; kununkha kwake ndi sungu lake vikwerenge; chifukwa wachita vinthu vikuru.

Danyele 11:41

Ŵaserenge mu charu chakutowa. Vikwi machumi ghanandi vyazamukuwa. Kweni Edomu, ndi Moabu, ndi chigaŵa chikuru cha ŵana ŵaku Amoni vitaskikenge kutuwa mu janja lake.

Danyele 11:16

Kweni yo watuza kumikana nayo wachitenge mo wakhumbiya, kuŵengevi yumoza wakuma paurongo pake; wamenge mu charu cha unkhankhu, ndipo chose chiŵenge mu nthazi zake.

Danyele 7:26

Kweni mphara yeruzgenge, ndi muwusu wake utuzgikengepo, ukabwangandulikanga ndi kumara.

Danyele 2:35

Viyo chisulo, dongo mkuŵa, siliva, ndi golide vinguvikitika tumana-tumana vyose pamoza, ndi vinguŵa nge ndi mwere wa chihanya wakupepeteke pasi, ndi mphepo yinguviputiskiya kutali, mwakuti vingawoneka so cha. Kweni mwa uwa ungutekenya chikozgu cho, ungusanduka phiri likuru ndi linguzaza charu chose chapasi.

Ezekiele 39:2

ndikuwezgiyenge kuvuli ndi kukuchichizga kuti urutenge kunthazi, ndikakutonga ku vigaŵa vya umari vyaku nkhonde kukurongozga kulimbana ndi mapiri ghaku Yisraele;

Yesaya 14:13

Ungukamba mu mtima wako, ‘Ndikakweriyanga kuchanya, pachanya pa nyenyezi zaku Chiuta ndikajarikanga chitengu changu pachanya; ndikajanga pa phiri la unganu kutali ku nkhonde,

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Sumu 48:2

Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

Yesaya 11:9

Kuti vikapwetekanga pamwenga kubwanganduwa cha mu phiri langu lose lakupaturika, pakuti charu chapasi chikazazikanga ndi zeru za Ambuya nge ndimo maji ghazaziya nyanja.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Yesaya 65:25

Mphumphi ndi mwana wa mberere vikarghiyanga pamoza, nkharamu yikarghanga uteka nge ndi ng'ombe; fuvu likaŵanga kurgha kwa njoka. Kuti vikapwetekanga pamwenga kwananga cha, mu phiri langu lose lakupaturika, atiti Ambuya.”

Yesaya 66:20

Ndipo ŵakazanga ndi ŵabali ŵinu wose kutuwa ku mitundu yose nge ndi mpasku ku Ambuya, pa ŵakavalo, mu magareta, mu machila, pa nyulu, ndi pa ŵagamila, kuza ku phiri langu lakupaturika Yerusalemu, atiti Ambuya, nge ndimo ŵa Yisraele ŵatuziya ndi mpasku wowo wa ufwa mu chiyaŵi chakutowa ku nyumba ya Ambuya.

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Danyele 9:20

Ndeche kukamba ndi kuromba, kusumuwa ubudi wangu ndi ubudi wa ŵanthu ŵangu ŵaYisraele, ndi kupereka kuŵeyere kwangu paurongo pa Ambuya Chiuta wangu chifukwa cha phiri lakupaturika laku Chiuta wangu;

Danyele 11:44

Kweni makani ghakutuwa ku vuma ndi ku nkhonde ghamsuzgenge: viyo warutenge ndi kandundu kakuru kubaya ndi kuparghang'a ŵanandi.

Maŵerengedu 34:5

mphaka yikanyongokanga kutuwa ku Azamono mpaka ku msinji waku Egipiti, umari wake yamugota ku nyanja.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.