Danyele 11:40 - Tonga Bible 1986

⁴⁰ “Pa vyengo ya umari, karonga waku malaŵi warwenge nayo, kweni karonga waku nkhonde wamurotokiyenge nge ndi kavuruvuru, ndi magareta, ndi ŵakukwera ŵakavalo, ndi ngaraŵa zinandi; ndipo ŵazamsere mu vyaru ndi kuchapariya, ndi kuporotamo.

Danyele 11:40 Referans Kwoze

Danyele 11:35

Ndipo ŵanyake ŵaku wo ŵazeru ŵakawanga, mwakuti ŵapepeteke ndi ŵaphotoleke, ndi ŵatuŵiskike kufika ku nyengo yaku umari, chifukwa yeche ŵaka nyengo yakutemeka.

Danyele 11:10

“Ŵana ŵake ŵarwenge nkhondo, ndi kuunganiska liŵanja likuru la ŵankhondo, wo ŵazenge kupasuwa ndi kuporota, ndipo ŵazamurutiriya kurwa mpaka ku linga lake.

Yesaya 5:28

mivwi yawo njakuthwa, mauta ghawo ghose ngakupinda, vitende vya ŵakavalo ŵawo viwoneka uli ndi sangarawe, mikombelo yawo uli ndi kavuruvuru.

Chivumbuzi 16:12

Ndipo mungelo wachinkhonde ndi chimoza wangupunguliya mbali yake pa msinji ukuru wo, msinji Efrate; ndipo ghangukamuka maji ghake, alinga kuti yirongosoleke nthowa ya ŵakaronga ŵakutuwa ku vuma.

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Ezekiele 38:4

ndikung'anamuliyenge kuvuli, ndikakoloŵekanga mbeja mu vibwanyo vyako, ndikuguzenge pamoza ndi nkhondo yako yose, ŵakavalo ndi ŵakukwerapo ŵawo, wose ŵakuwo mbakuvwara vya nkhondo, ndi mzinda ukuru, wose ŵendi vivekeru, nguru, ŵasoro malipanga;

Yeremiya 4:13

Ehe, watuza nge ndi mitambo, magareta ghake uli ndi kavuruvuru; ŵakavalo ŵake mbamankharo kuruska zinombo. Owe ifwe, pakuti tapasuka!

Yesaya 21:1

Vyakukambika vyapa bozwa la nyanja. Mo ŵakavuruvuru mu Negebu ŵaputiya kutuwa ku bozwa mu charu chakofya.

Chivumbuzi 9:16

Ndipo unandi wa maŵanja gha ŵapa ŵakavalo wenga vikwi chumi vyakupindika vikwi machumi ghaŵi: (200,000,000), ndinguvwa unandi wawo.

Danyele 11:22

Nkhondo zipeyekenge paurongo pake ndi zimarenge, chingana ndi karonga wa phanganu nayo.

Danyele 8:17

Viyo wanguza kufupi ko ndinguma; ndipo wanguti waza, ndingutenthema ndi ndinguwa kavunama. Kweni wanguti kwaku ine, “Ziŵa, wamwana wa munthu, kuti chiwona chikamba ndi nyengo ya umari.”

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Danyele 11:7

“Mu nyengo zo mphanda ya misisi yake yibukenge mu malo ghake. Wazenge ndi nkhondo ndi kusere mu linga la karonga waku nkhonde ŵarwanenge nawo ndi kuŵapunda.

Danyele 11:11

Viyo karonga waku malaŵi wakaripenge ndi watuwenge kwachirwana nayo karonga waku nkhonde; ndipo wakawunjikanga liŵanja likuru; kweni lipaskikenge mu janja lake.

Danyele 11:13

Chifukwa karonga waku nkhonde waŵenge so ndi liŵanja likuru kuruska lakudanga; ndipo vitakuti vyarutapo virimika, wazenge ndi nkhondo yikuru ndi usambasi wakuzara.

Danyele 11:25

Ndipo wayuskenge nthazi zake ndi chiganga chake kumikana ndi karonga waku malaŵi ndi nkhondo yikuru; ndipo karonga waku malaŵi warwenge nkhondo ndi liŵanja likuru ndi lanthazi, kweni kuti wakamanga cha chifukwa wamulongosoliyenge mahomwa.

Danyele 11:39

Wamikanenge ndi malinga ghakukho ndi chovyo chaku chiuta mlendo; wo ŵazomerezgana nayo waŵakuzgenge ndi vitumbiku. Waŵamikenge kuŵa ŵakuwusa ŵanthu ŵanandi, ndipo wagaŵenge charu chifukwa cha mphoto.

Danyele 12:9

Wanguti, “Rutanga, Danyele, chifukwa mazu ghajarika ndi kuzighirika mpaka ku umari kwa nyengo.

Habakuku 3:14

Mungurasa mutu wa ŵankhondo ŵake ndi mikondo yinu, wo ŵanguza nge ndi kavuruvuru kundiparghang'a, wakukondwa, kusere kwako kwenga nge nkhudoso ŵakavu ku ubendi.

Ezekiele 38:9

Ukayendanga panthazi, ukazanga nge nchimphunga, ukaŵanga nge ndi bingu lakubenekere charu, iwe ndi maliŵanja ghako ghose, ndi ŵanthu ŵanandi pamoza nawe.