Danyele 11:36 - Tonga Bible 1986

³⁶ “Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Danyele 11:36 Referans Kwoze

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Danyele 8:19

Wanguti, “Ehe, ndikuziŵiskenge vyo viŵengeko kuumari wa ukari; chifukwa umari ukaŵangapo pa nyengo yakutemeka.

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

Danyele 11:16

Kweni yo watuza kumikana nayo wachitenge mo wakhumbiya, kuŵengevi yumoza wakuma paurongo pake; wamenge mu charu cha unkhankhu, ndipo chose chiŵenge mu nthazi zake.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Yesaya 14:13

Ungukamba mu mtima wako, ‘Ndikakweriyanga kuchanya, pachanya pa nyenyezi zaku Chiuta ndikajarikanga chitengu changu pachanya; ndikajanga pa phiri la unganu kutali ku nkhonde,

Chivumbuzi 10:7

kweni kuti mu mazuŵa gha mazu gha mungelo wachinkhonde ndi chiŵi yo, penipo wamkumba mbata, po ndipo ghakafiskikanga mangari ghaku Chiuta, uli ndimo wanguŵanduliya umampha ŵaŵanda ŵake ŵamchimiwo.

Yesaya 10:25

Pakuti mu kanyengo kamanavi ukongwa kukara kwangu mukamaranga ndipo ukari wangu ukatumikanga ku phasulu lawo.

Sumu 136:2

Wongani Chiuta wa ŵachiuta, chifukwa nchamuyaya chifundu chake.

Chivumbuzi 17:17

Chifukwa Chiuta wakuŵikiya limu mu mitima yawo kuchita khumbo lake, ndi kuchita khumbo limoza, kupaska ufumu wawo ku chikoku, mpaka po mazu ghaku Chiuta ghafiskika.

Chivumbuzi 17:3

Ndipo mu Mzimu wangundinyamuliya ku bozwa: ndipo ndinguwona munthukazi wakukwera pa chikoku chakufyuŵara, chakuzazika ndi mazina ghakutuka, chakuŵa ndi mitu yinkhonde ndi yiŵi ndi sengwe chumi.

Chivumbuzi 12:14

Ndipo kungupskika ku munthukazi yo mapapiku ghaŵi gha nombo yikuru, kuti waphururukiye ku bozwa, ku malo ghake, kweniko wakalerekanga kwaka nyengo, ndi zinyengo, ndi nusu ya nyengo, kutuwapo pa njoka yo.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

Yohane 6:38

Pakuti ndasika kuchanya kuti ndilichite khumbo langu cha, kweni khumbo la wakundituma yo.

Yohane 5:30

“Ine ndirive nthazi kuchita kanthu mwaku ndija: mo ndivwiya, nditeruzga; ndipo cheruzgu changu nchirunji; pakuti ndipenja khumbo langu cha, kweni khumbo laku yo wangundituma.

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Danyele 11:3

Ndipo penipo karonga wanthazi wayukenge, yo wausenge ndi mtufu ukuru ndi kuchita mo wakhumbiya.

Danyele 8:4

Ndinguwona mberere yiphandiya kuchiri ku zambwe, ku nkhonde ndi ku malaŵi; kwengavi nyama yakuti yime paurongo pake, ndi kwengavi wakutaska mu janja lake; kweni yinguchita mo yingukhumbiya, ndi yingujikuzga yeneko.

Danyele 7:8

Ndichighanaghana ndi masengwe, ndinguwona sengwe linyake limanalakutuwa mukati mwaku gho, panthazi paku lo masengwe ghatatu ghakudanga ghangubontholeka, ndipo ehe, mu sengwe ili mwenga maso ghakukozgana ndi maso gha munthu, ndi mlomo wakukamba vinthu vikuru.

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Yesaya 46:10

kutaula vya umari kwamba ku vyaru mtendeko kutuliya ku vyanyengo zamwaka mpaka ku vinthu vyo vindachitike, kunena kuti, ‘Fundu yangu vikamanga, ndipo ndikafiskanga vyose vyo ndakhumba kufiska.’

Yesaya 26:20

Zaninga, mwa ŵanthu ŵangu, sereni muvipinda vinu, jarani visasa kuvuli kwinu, bisamani kwa nyengo yimanavi mpaka penipo ukari wakapo.

Nthanthi 19:21

Maghanoghano nganandi mu muwongo wa munthu, kweni nchenicho chakukhumba Ambuya cho chikachitikanga.

Sumu 33:10

Ambuya asanduska kuŵa zawakafundu za mitundu ya ŵanthu, aphwanya marunguruku gha ŵanthu.

Yoswa 22:22

“Wanthazi zose, Chiuta, Ambuya! Wanthazi zose, Chiuta, Ambuya! Iyo waziŵa; ndipo Yisraele nayo mweneko waziŵe! Asani kwenga kugaruka pamwenga kuwura kugomezga Ambuya, mungatisiya ŵamoyo cha msana wale,

2 ŴaTesalonika 2:3

Wangamufuvyani yumoza cha panthowa ye yose; pakuti lingaza cha, kwambura kuti chaŵapo danga chidezuka ndipo wavumbulika munthu yo wa ulakwi, mwana yo wa wanangiku,

2 ŴaTesalonika 2:8

Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Ezekiele 35:13

Ndipo iwe ungujikwezga paku ine ndi milomo yako, ungwandaniska mazu ghako kumikana nane, ine ndingughavwa.

Danyele 5:19

ndipo chifukwa chakuzirwa ko wangumupaska, ŵanthu wose, mitundu ya ŵanthu, ndi makambidu ŵangutenthema ndi kopa paurongo pake. Yo wangukhumba kubaya, wangubaya, ndipo yo wangukhumba kusunga, wangumsunga wamoyo. Yo wangukhumba kumsoska, wangumsoska; ndipo yo wangukhumba kusiska, wangumsiska.

Danyele 5:20

Kweni penipo mtima wake ungujitukumuwa, ndi mzimu wake ungunonopeskeka wanguchita vyose kwakujikuzga, ndipo wangusiskika pa chitengo chake, cha ufumu.

Danyele 11:37

Waphwerenge ŵachiuta wa awiske cha, pamwenga yo wakwanjika ndi ŵanthukazi. Waphwerenge chingana ndi Chiuta we yose cha, chifukwa wajikwezgenge pachanya paku wose.

Yesaya 10:5

A! Asiriya nthonga ya kukara kwangu, ndodo ya ukari wangu!

Yesaya 10:23

Pakuti Ambuya, Ambuya ŵa maŵanja, akachitanga umari wakufikapo, uli ndimo kwalangulikiya, mukati mu charu chipasi.

Yesaya 14:14

ndikakweriyanga pachanya pa machanya gha mitambo, ndikajisanduskanga wakukozgana ndi wapachanya Limu.’

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Yesaya 57:9

Munguto lwendo kuya kwaku Moleki ndi mafuta mungwandaniska vyachema vinu; mungutuma nthumi zinu kutali ukongwa, ndipo mungutuma so chingana nkhu muunda.

Ezekiele 28:2

“Mwana wa munthu, kamba ndi karonga waku Turo, Viyo atiti Ambuya Chiuta: Chifukwa cha kujikuzga kwa mtima wako, ndipo wakamba kuti ‘Ndine chiuta, ndija pa chitengo cha ŵachiuta, mukati mu zinyanja,’ kweni ndiwe munthu, kuti we chiuta cha, nanga wamweni utijipima kuŵa wazeru nge ndi chiuta.

Zekariya 11:16

Chifukwa, wonani ndiyuska mliska mu charu mweniyo kuti waphwere cha zo zikhumba kufwa, pamwenga kupenja zo zasoŵa, pamwenga kupozga zakupunduka, pamwenga kulela zo zamampha, kweni ŵarghenge nyama ya zakututuŵa, ndikufyo marundi ghawo.