Danyele 11:33 - Tonga Bible 1986

³³ Ndipo ŵanthu wo mbazeru mukati mwaku wo ŵasambizgenge ŵanandi, chingana ŵakawanga ndi lipanga ndi mlipu wo moto, umkoli, ndi uskowi mazuŵa ghanandi.

Danyele 11:33 Referans Kwoze

Yohane 16:2

Wamkukusezgani ku masinagoge: inya, lituza ora, la kuti yose wakukubayani imwe wapimenge kuti wateŵete Chiuta.

Mateyu 24:9

“Penipo ŵamkukukomboleni ku suzgu, ŵamkukubayani: ndipo muŵenge ŵakutinkhika ndi mitundu yose pa chifukwa cha zina langu.

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Chivumbuzi 17:6

Ndipo ndingumuwona munthukazi yo wakuloŵe ndopa za ŵakupaturika ndi ndopa za ŵakaboni ŵaku Yesu. Ndipo pakumuwona ndingurwita ndi chirwita chikuru.

ŴaHebere 11:34

ŵanguzimwa nthazi ya moto, ŵangupozomoka ku uyi wa lipanga ŵanguthaziskika mu unthomboru, ŵanguŵa ŵakukhwima mu nkhondo, ŵanguthereska maŵanja gha ŵalendo.

Danyele 12:10

Ŵanandi ŵajitoweskenge, ndi kujichita ŵatuŵa, ndi ŵakatozgekanga; kweni ŵaheni ŵachitenge uheni; kulivi yumoza yo wakawangamu, kweni wo mbazeru pe ndiwo ŵawengemu.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

2 Timote 4:6

Chifukwa ine sono ndipunguka, ndipo nyengo ya chifwatulika changu yaŵandika.

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

1 ŴaKorinte 4:9

Chifukwa ndighanaghana kuti Chiuta warongo ifwe taŵakutumika ŵapavuli limu, nge mbanthu ŵakukomboleke ku nyifwa: pakuti taŵa chakuwoniyapo ku charu, ndi ku ŵangelo, ndi ku ŵanthu.

Machitidu gha Ŵakutumika 14:21

Ndipo ŵati ŵatauliya evangeli ku muzi wuwa, ndi kusambizga ŵanandi ŵanguwere ku Lustra, ndi ku Ikonio, ndi ku Antioke,

Machitidu gha Ŵakutumika 11:26

Ndipo wati wamsaniya, wangumtole ku Antoike. Ndipo kunguŵaŵiya kuti chirimika champhumphu ŵanguwungirana mu mpingu, ndi kusambizga mzinda ukuru: ndipo kuti ŵasambizi wo ŵangutamulika ŵaKristu danga mu Antoike.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Mateyu 20:23

Waŵanene, “Nkhombo yangu mu mwenge, kweni kuja ku marghe kwangu ndi kumaze, kuti nkhwaku ine cha kupaska kweni kwaku wo kwaŵarongosoleke ndi Ada.”

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.