Danyele 11:27 - Tonga Bible 1986

²⁷ Sono ŵakaronga yaŵa ŵaŵi mitima yawo yiganukiyenge pakuchita uheni, ŵakambenge utesi pa gome limoza, kweni ŵanduwenge kanthu cha; chifukwa umari wake uŵenge pa nyengo yakutemeka.

Danyele 11:27 Referans Kwoze

Sumu 12:2

Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Danyele 11:35

Ndipo ŵanyake ŵaku wo ŵazeru ŵakawanga, mwakuti ŵapepeteke ndi ŵaphotoleke, ndi ŵatuŵiskike kufika ku nyengo yaku umari, chifukwa yeche ŵaka nyengo yakutemeka.

Sumu 64:6

Ŵatata nthowa ziheni, ndipo ŵatiti, “Tanozga chiŵembu chakufikapo.” Mtima ndi maghanaghano gha munthu vyakuziziswa!

Danyele 11:40

“Pa vyengo ya umari, karonga waku malaŵi warwenge nayo, kweni karonga waku nkhonde wamurotokiyenge nge ndi kavuruvuru, ndi magareta, ndi ŵakukwera ŵakavalo, ndi ngaraŵa zinandi; ndipo ŵazamsere mu vyaru ndi kuchapariya, ndi kuporotamo.

Danyele 8:19

Wanguti, “Ehe, ndikuziŵiskenge vyo viŵengeko kuumari wa ukari; chifukwa umari ukaŵangapo pa nyengo yakutemeka.

Nthanthi 26:23

Uli nkhung'anima kwa kubwalo kwachiyaŵi cha dongo ndimu yilili milomo yakungozga yo yendi mtima uheni.

Nthanthi 12:20

Kupusika kwe mu mtima waku wo ŵapanga uheni, kweni ŵeniwo ŵarongoso umampha ŵendi kukondwa.

Sumu 58:2

Awa, mu mitima yinu munozga utimbanizi; manja ghinu ghachita vya nkhaza mu charu.

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

1 ŴaTesalonika 5:1

Kweni, mwa ŵabali, kuti mukavuka cha kuti ghapa zinyengo ndi virimika ghalembeke kwaku imwe.

Machitidu gha Ŵakutumika 17:31

chifukwa watema zuŵa, mwaku lo wakhasa kweruzgiya charu mu urunji mu munthu yo wamumika; wati wapaska chimbondu kwaku wose pakumyuska ku ŵakufwa.”

Machitidu gha Ŵakutumika 1:7

Kweni wanguŵanene, “Kuti nkhwaku imwe cha kuziŵa zinyengo pamwenga virimika vyo Dada wateme mu mtufu waku yija.

Danyele 11:29

“Pa nyengo yakutemeka wamuwe, ndi kuza so ku malaŵi kweni kuti kuŵenge nge mphanyengo yakudanga cha pamwenga yakumariya.

Danyele 10:1

Mu chirimika cha chitatu chaku Sirusi karonga waku Perese mazu ghanguvumbulika kwaku Danyele yo wadanikanga Belteshazara. Ndipo mazu ghenga ghakuneneska ndi ghenga nkhondo yikuru. Ndipo wangughaziŵa mazu ndi wenga ndi muziŵiru wa chiwona.

Ezekiele 17:9

Ukambe, Viyo atiti Ambuya Chiuta: Kumbi yisakatenge? Asi yikazuwanga misisi yake ndi kudumuwa mphanda zake, viyo kuti muti wose ukamiranga, mani ghakafotanga? Kuti ukhumbenge janja lanthazi pamwenga ŵanthu ŵanandi cha pa kuzuwa misisi yake.

Nthanthi 19:21

Maghanoghano nganandi mu muwongo wa munthu, kweni nchenicho chakukhumba Ambuya cho chikachitikanga.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

2 Samuele 13:26

Sono Absalomu wanguti, “Asani mwakana, ndimupemphani muzomerezgeni mbali wangu Amunone tirute tose.” Karonga wangumufumba, “Chifukwa nchine warutenge nawe?”

Danyele 11:28

Ndipo wawerenge ku charu chake ndi usambasi unandi, kweni mtima wake umikanenge ndi phanganu lakupaturika. Ndipo wachitenge khumbu lake ndi kuwere ku charu chake.

Danyele 8:17

Viyo wanguza kufupi ko ndinguma; ndipo wanguti waza, ndingutenthema ndi ndinguwa kavunama. Kweni wanguti kwaku ine, “Ziŵa, wamwana wa munthu, kuti chiwona chikamba ndi nyengo ya umari.”