Danyele 11:19 - Tonga Bible 1986

¹⁹ Viyo wang'anamukiyenge chisku chake ku malinga gha mu charu chake; kweni waguŵenge ndi kuwa pasi ndi kuti wasanirikenge so cha.

Danyele 11:19 Referans Kwoze

Ezekiele 26:21

Ndikakutoriyanga ku umari wakofya, ndipo kuti ukaŵangapo so cha; nanga ŵangakupenja-penja, kuti ukasanirikanga cha, atiti Ambuya Chiuta.”

Sumu 37:36

Ndingwazijumphapo so, ndipo, awonani, iyo pengavi; nanga ndingumpenja, kweni kuti wangusanirika cha.

Yeremiya 46:6

Ŵapusu kuchimbiya kuti ŵangathaŵa cha; chingana ndi ngwazi kupozomoka ng'o; ku nkhonde pa msinji wa Efrate ŵaguŵa ndi ŵawa.

Sumu 27:2

Ŵachindifikiya ŵakuchita uheni kuzachindikambiya mautesi, ŵakupindikana nane ndi ŵamawongo, ŵakaguŵanga ndikuwa.

Jobu 20:8

Wakaphururukiyanga kutali nge ndi loto, ndi kuti wakasanirikanga cha; wakadikiskikiyanga kutali nge ndi chiwona cha usiku.

Yesaya 24:20

Charu chizendazenda nge ndi munthu wakuloŵe, chiganuka uli ndi nyumba; kunanga kwake kwanyekezga ndi uzitu ukuru paku cho, ndipo chituwa, kuti chikayukanga so cha.

Danyele 11:7

“Mu nyengo zo mphanda ya misisi yake yibukenge mu malo ghake. Wazenge ndi nkhondo ndi kusere mu linga la karonga waku nkhonde ŵarwanenge nawo ndi kuŵapunda.

Jobu 34:24

Waphwanyenge vinkhara kwambura kupenjapenja ndi kuŵika ŵanyake mu malo ghawo.

Sumu 37:35

Ndinguwona muheni wakujikuzga ukongwa, wakuthaza nge ndi muti wa mlanji waku Lebanoni.