Danyele 11:15 - Tonga Bible 1986

¹⁵ Viyo karonga waku nkhonde wakazanga ndi kuwugoŵa msumba wa linga lakukho, ndi kuwuronda. Ndipo ŵankhondo ŵaku malaŵi kuti ŵamenge cha, chingana mbankhondo ŵake ŵakutondoreka chifukwa ŵakaŵangavi nthazi zakumiya.

Danyele 11:15 Referans Kwoze

Ezekiele 17:17

Farao ndi nkhondo yake yanthazi ndi mzinda ukuru wa nkhondo kuti wakamovyanga mu nkhondo cha, po vimbumira vikamikikanga malinga ghakazengekanga kudumuwa ma umoyo gha ŵanandi.

Yeremiya 6:6

Pakuti Ambuya ŵa maŵanja ŵakati viyo: “Dumuliyani pasi miti yake; ungani mugandu kuzunguliya Yerusalemu. Uwu ndiwo msumba wo utenere kulangika mulivi kanthu kanyake kweni kunyekezgeka pe mukati mwake.

Ezekiele 4:2

ndipo paŵe nchitu yakuwujara, uwuzenge linga ndi kuwuchitiya chimbumira; uwuzenge so misasa kumikana nawo, ndipo uŵike mizinga kwakuzunguliya yirazgani nawo.

Danyele 11:6

Vitakuti vyarutapo virimika vinyake ŵakayanananga ndipo mwana munthukazi wa karonga waku malaŵi wazenge ku karonga waku nkhonde kuzachipangana nayo za chimangu; kweni kuti wakajanga ndi nthazi zajanja lake cha, sono karonga yo ndi mphapu yake kuti ŵarutiriyenge cha. Munthukazi yo wamperekenge pamoza ndi wo ŵanguza nayo, mwana wake, ndi yo wangumsunga.

Danyele 8:7

Ndinguchiwona chichiza kufupi ndi mberere, chinguyikaripiya ndi kuyipweteka, ndi chinguyibonkhontho masengwe ghake ghaŵi, mberere yengavi nthazi kurwana ndi chaphongo, kweni chinguyiwiska pasi ndi kuyikandakanda, ndi pengavi wakutaska mberere ku nthazi yake.

Yeremiya 52:4

Ndipo mu chirimika cha chinkhonde ndi chinayi cha muwusu wake, mwezi wa chumi, pa zuŵa la chumi la mwezi, Nebukadanezara karonga wa Babiloni wanguza ndi nkhondo yake yose pa Yerusalemu, wanguwuzinga ndipo wanguzenga vyakuwuzingiya kwakuzunguliya.

Yeremiya 33:4

Pakuti viyo atiti Ambuya, Chiuta waku Yisraele, gha pa nyumba zamu msumba uwu ndi nyumba za ŵakaronga ŵaku Yuda zo zingubwangandulikiya pasi kwachichita linga lakujivikiriya ku vimbumira vya wakuzinga ndi ku nkhondo:

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Danyele 11:14

“Mu nyengo zo ŵanandi ŵayukiyenge karonga waku Malaŵi; ndipo ŵanthu ŵankhaza mukati mu ŵanthu ŵinu ŵajikuzgenge, mwakuti chiwona chifiskike; kweni ŵatondekenge.