Danyele 10:7 - Tonga Bible 1986

⁷ Ine, Danyele, ndija ndinguwona chiwona, kweni ŵanthu wo ŵenga nane kuti ŵanguchiwona cha chiwona, kweni ŵangukoreka ndi chitenthe chikuru, ndi ŵanguthaŵa kwachibisama.

Danyele 10:7 Referans Kwoze

Machitidu gha Ŵakutumika 9:7

Kweni ŵanthurumi wo ŵangurongozgana nayo ŵanguma ŵaka chisisi, pakulivwa liu lo, kweni ŵakuwona yumoza cha.

Machitidu gha Ŵakutumika 22:9

Ndipo wo ŵapamoza nane ŵanguwona nadi kungweruka ko, kweni liu lakurongoro nane kuti ŵangulivwa cha.

Chiyambo 3:10

Ndipo iyo wanguti, “Ndinguvwa muswayo winu mu munda, ndipo ndingopa chifukwa ndenga nkhuli; ndipo ndingubisama.”

ŴaHebere 12:21

Ndipo kawonekedu ko kenga kakofya, viyo kuti Mosese wanguti, “Ndine wachitenthe ndi wakumbwa-mbwanthiya.”

Yesaya 2:10

Sereni mu jarawe, bisamani mu fuvu, kutuwako ku kofya kwa Ambuya, ndi ku unkhankhu wa ukaronga wake.

Ezekiele 12:18

“Mwana wa munthu, rghanga chiŵande chako ndi kumbwambwanthiya, mwanga maji ghako mu chitenthe ndi kufipa mtima;

Yeremiya 23:24

Kumbi munthu wangajibisa mu malo ghakubisika kuti ine nditondeke kumuwona? atiti Ambuya. Asi ine ndizaza kuchanya ndi charu chapasi? atiti Ambuya.