Danyele 10:15 - Tonga Bible 1986

¹⁵ Wanguti wakamba nane mazu nge ndi yagha, ndingusindama chisku changu pasi, ndipo ndinguja chisisi.

Danyele 10:15 Referans Kwoze

Luka 1:20

Ndipo awona, uŵenge wachisisi ndi wambura nthazi kurongoro, mpaka zuŵa lo vinthu vyenivyo vikaŵangapo, chifukwa kuti wavwana cha ndi mazu ghaku ine, ghenigho ghafiskikenge mu nyengo yake.”

Ezekiele 24:27

Pa zuŵa liya mlomo wako ukajurikiyanga kwaku yo wapozomoka, ukarongoronga kuti ukaŵanga so wambuwu cha. Viyo ukaŵanga chisimikizgu kwaku iwo; ndipo ŵakaziŵanga kuti ndine Ambuya.”

Danyele 10:9

Viyo ndinguvwa kayowozi ka mazu ghake, ndipo ndinguti ndavwa kayowozi ka mazu ghake ndinguwa pasi kavunama, ndingukoreka ndi tulo tuzitu.

Danyele 8:18

Ndipo penipo wakambanga nane ndenga mu tulo tuzitu ndingusindama chisku changu; kweni wangundiyuska, ndi kundimika.

Ezekiele 33:22

Kweni janja la Ambuya linguŵa paku ine mazulo gha zana wenga wandafike wakuthaŵa yo; ndipo angujura mlomo wangu pa nyengo yo munthu uyu waziyanga kwangu ndi mlenji; viyo mlomo wangu ungujurika, kuti ndinguŵa so mbuwu cha.

Ezekiele 3:26

ndipo ndikabatikiskanga lilime lako kunena kwa mlomo wako, alinga kuti uŵe wa mbuwu ndi wambura kuziŵa kuŵachenya; pakuti mba nyumba ya chigaruka.