Danyele 1:8 - Tonga Bible 1986

⁸ Kweni Danyele kuti wangukhumba cha kujikazuzga ndi kurgha kunandi kwa karonga, pamwenga ndi vinyo yo wamwanga; viyo wanguŵeyere mura wa ŵamuthenu kuti wamuzomerezge kureka kujikazuzga.

Danyele 1:8 Referans Kwoze

Sumu 141:4

Ndisungeni ku kuchita uheni we wose, kujitangwamiska mu nchitu ziheni, pamwenga kusangana ndi ŵanthu ŵaheni mu mauheni ghawo. Ndireke kusangana nawo mu madghera ghawo!

1 ŴaKorinte 7:37

Kweni yo ngwakujiko mu mtima wake wambura khumbiru ili, kwani ngwakuŵandi mtufu pa khumbu laku yija, ndipo wateme mu mtima wake chenichi, chakuti wayisunge mbeta yake yambura kuŵirwa, wachitenge umampha.

Sumu 119:115

Tuwaniko kwangu, mose mwaŵakuchita utimbanizi, mwakuti ndisungenge malangulu ghaku Chiuta wangu.

Sumu 119:106

Ndarapa rapu ndipo ndalikhozga, kuvwiya virunguchizgu vinu virunji.

Danyele 1:5

Karonga wanguŵagaŵiya chigaŵa cha vyakurgha zuŵa ndi zuŵa vyo iyo warghangapo ndi chigaŵa cha vinyo yo iyo wamwangapo. Watenere kusambizgika kwa virimika vitatu, kuti pakumara kwa nyengo yo ŵamenge paurongo pa karonga.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

2 ŴaKorinte 9:7

Munthu yose wapaske uli ndimo wajiteme mu mtima wake; kwachigwinini cha, pamwenga kwakukakamizgika cha; chifukwa Chiuta watanja mpaski wamasangu.

Marangu 32:38

Iwo ŵangurgha mafuta gha mipasku yawo ndi kumwa vinyo wa mpasku wawo wakumwa. Ŵayuke ndi ŵakovyeni, ŵaŵe iwo ŵakumuvikiriyani!

Sumu 106:28

Ndipo ŵanthu ŵaku Chiuta ŵangujibatika ku kusopa Bala pa Peori, ndi ŵangurgha sembe zakupaskika ku ŵakufwa.

1 ŴaKaronga 5:5

Viyo ndighanaghana kuzenge zina la Ambuya Chiuta wangu, nge ndimo Ambuya angukambiya kwaku Davidi ada, ‘Mwana wako, mweniyo ndikajarikanga chitengo chako mu malo ghako wakazengiyanga nyumba zina langu.’

Machitidu gha Ŵakutumika 15:20

kweni kuti tilembe kwaku wo kalata wakuti ŵajitinthe ku vyaukazuzi vya ŵangoza, ndi ku uyaya, ndi ku vyakuphuphunyuka, ndi ku ndopa.

Nthanthi 23:3

Ungakhumbilanga vyakunona vyake, pakuti nkhurgha kwakunyenga.

Danyele 5:4

Ŵangumwa vinyo ndi ŵangukankhuska ŵachiuta ŵa golide ndi siliva, ŵa mkuŵa, ŵa chisulo, ŵa muti, ndi ŵa mwa.