Danyele 1:4 - Tonga Bible 1986

⁴ Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 1:4 Referans Kwoze

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Machitidu gha Ŵakutumika 7:22

Ndipo Mosese wangusambizgikiya mu zeru yose ya ŵaEgipiti; ndipo wenga wanthazi mu mazu ndi mu nchitu zake.

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

2 Samuele 14:25

Kweni mu Yisraele yose mwengavi yumoza yo wanguthokozeka pa chifukwa cha kutowa kwake nge ndi Absalomu, kutuliya kusi ku phazi lake, mpaka pachanya pa mutu wake, mwaku iyo mwengavi kalema.

Danyele 2:10

ŴaKaldiya ŵangumwamuka karonga kuti, “Palivi munthu panu pasi yo wangaziŵa kufikapo pa khumbo la karonga; chifukwa paŵavi karonga mukuru ndi wamazaza yo wadanga wafumbapo chinthu nge ndi ichi ku ŵaukwi, pamwenga ŵaziŵi nyenyezi, pamwenga ku ŵaKaldiya.

Machitidu gha Ŵakutumika 7:20

Mu nyengo yeniyo wanguwiya Mosese yo wenga wakutowa ukongwa; myezi yitatu wangulereka mu nyumba ya awiske;

Danyele 5:7

Karonga wangudanirizga kuti ŵazi nawo ŵamaula, ŵaKaldiya, ndi ŵaziŵi nyenyezi. Karonga wanguti ku ŵanthu ŵavinjeru ŵamu Babiloni, “Yose yo wangaŵerenga lembo ili ndi kundinene kang'anamuridu kake, wakavwarikikanga vyakuvwara vichesamu ndi ukufu wa golide mu khosi lake, ndipo wakaŵanga wakuwusa wachitatu muufumu wangu.”

Danyele 4:7

Viyo ŵaukwi, ŵakombeza, ŵaKaldiya, ndi ŵaziŵi nyenyezi ŵangusere; ndipo ndinguŵanene loto, kweni kuti ŵanguziŵa kundiziŵiska cha kang'anamuridu kake.

Wakutaula 7:19

Vinjeru vipaska nthazi ku munthu wazeru kwakuruska ŵakuwusa chumi wo ŵemu mu msumba.

Ŵeruzgi 8:18

Sono wanguti kwaku Zeba ndi Zalmuna, “Ŵepani ŵanthu wo mungubaya pa Taboro?” Iwo ŵangwamuka, “Mwenimo uliri iwe, nawo ŵenga viyo, we yose waku wo; wangukozgana ndi ŵana ŵa karonga.”

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

Danyele 3:8

Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda.

Danyele 2:2

Viyo karonga wangulangula kuti ŵaukwi, ŵaziŵi nyenyezi, ŵakuwombeza, ndi ŵaKaldiya ŵadanike kuzachivumbuliya karonga maloto ghake. Viyo ŵanguza ndi ŵanguma paurongo pa karonga.

Yesaya 36:11

Sono Eliakimu, Shebna, ndi Joya ŵanguti ku muthenga, “Tipempha, ukambe ndi taŵateŵeti ŵako mu chi Aramu, pakuti titichiziŵa; reka kukamba nafwe mu lilime la chi Yuda mu makutu gha ŵanthu wo ŵe pa linga.”

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Danyele 9:1

Mu chirimika chakudanga chaku Dariusi, mwana waku Ahaswerusi wa mtundu wa ŵaMede, yo wanguŵa karonga pa muwusu wa ŵaKaldiya

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Chiyambo 41:46

Yosefe wenga wa virimika machumi ghatatu (30) mu umoyo wake pa nyengo yeniyo wangusere munchitu yaku Farao karonga wa Egipiti. Ndipo Yosefe wangutuwapo pa maso paku Farao ndi wangwenda mu charu chose cha Egipiti.