Danyele 1:2 - Tonga Bible 1986

² Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.

Danyele 1:2 Referans Kwoze

2 Mikoka 36:7

Nebukadanezara wanguto viyaŵi vyamu nyumba yaku Chiuta kuruta navyo ku Babiloni, wanguviŵika mu kasopi wake ku Babiloni.

Zekariya 5:11

Ndipo iyo wanguti, “Ku charu cha Shinara kwachiyizenge nyumba; asani yarongosoreka, ŵaŵikenge sokora pasi pa chimiko chake.”

Ŵeruzgi 4:2

Ndipo Ambuya anguŵaguliska mu janja laku Yabini karonga wa ŵaKanani, yo wawusanga mu Hazoro; wakurongozga liŵanja lake la nkhondo, wenga Sisera, mweniyo wajanga mu Harosheti-hagoimi.

Ŵeruzgi 3:8

Chifukwa cho ukari wa Ambuya ungukole paku Yisraele, ndipo anguŵaguliska mu janja laku Kushani-rishataimu karonga waku Mesopotamia, ndipo ŵaYisraele ŵangutataliya Kushani-rishataimu virimika vinkhonde ndi vitatu.

Ŵeruzgi 2:14

Viyo ukari wa Ambuya ungukole paku Yisraele, ndipo anguŵapereka ku ŵamawongo wo ŵanguŵayora; ndipo anguŵaguliska ku nthazi ya ŵakupindikana ŵawo ŵakuŵazunguliya, alinga kuti ŵangalimbana nawo so cha ŵakupindikana ŵawo.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Chiyambo 11:2

Ndipo penipo ŵanthu ŵangusama kutuwa ku vuma, ŵangusaniya dambo mu charu cha Shinara ndipo ŵanguzenga mwenimo.

Chiyambo 10:10

Kwamba kwa ufumu wake kwenga Babele, Ereke, ndi Akada, vyose ivi mu charu cha Shinara.

Habakuku 1:16

Chifukwa ichi wachitiya chirepa chake sembe, ndi kocha vyachema mu chirepa chake, chifukwa mŵaku ivi ndimo wasakata; ndi vyakurgha vyake vyamampha.

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Ezra 1:7

Sirusi karonga yo, nayo wanguwezga viyaŵi vya nyumba ya Ambuya vyo Nebukadanezara wanguza navyo kutuwa ku Yerusalemu ndi wanguviŵika mu nyumba ya ŵachiuta ŵake.

1 Samuele 5:2

sono ŵaFilisti ŵanguto bokosi laku Chiuta ndi kuliŵika mu nyumba yaku Dagoni ŵangulimika pafupi ndi Dagoni.

Yesaya 42:24

Njani wangumupereka Yakobe ku wakuparghang'a, ndi Yisraele ku ŵakupoka? Kuti ŵenga Ambuya cha ŵeniwo ifwe talakwiya, mu nthowa zaku mweniyo kuti ŵangukhumba kwendamo cha, ndi dangu laku mweniyo kuti ŵangukhumba kuvwiya cha?

2 ŴaKaronga 24:1

Mu mazuŵa ghake Nebukadanezara karonga waku Babiloni wangukweriyako, ndipo Yehoyakimu wanguŵa mteŵeti wake virimika vitatu, ndipo wanagung'anamukako ndi kumugarukiya.

Yeremiya 25:1

Mazu gho ghanguza kwaku Yeremiya gha pa ŵanthu wose ŵaYuda, mu chirimika cha chinayi chaku Yehoyakimu mwana waku Josiya karonga waku Yuda (cho chenga chirimika chakudanga chaku Nebukadanezara karonga wa Babiloni),

Yeremiya 27:16

Sono ndingukamba ndi ŵazukuru ndi ŵanthu wose yaŵa, kuti, “Viyo atiti Ambuya, Rekani kuvwiya mazu gha ŵamchimi ŵinu wo ŵatimuchimiyani, kuti, ‘Ehe, viyaŵi vya nyumba ya Ambuya vikawezgekanga kwa sosonokweni kutuwa ku Babiloni’ uwu mbutesi wo ŵatumukambiyani.

Yeremiya 28:3

Pavuli pa virimika viŵi ndikawezgiyanga ku malo yagha viyaŵi vyose vya nyumba ya Ambuya, vyo Nebukadanezara karonga wa Babiloni wakuzachito mu malo yagha kunyamuliya ku Babiloni.

Yeremiya 35:11

Kweni penipo Nebukadanezara karonga waku Babiloni wanguza kuzachirwa ndi charu ichi, tinguti, ‘Tiyeni tirutenge ku Yerusalemu pakopa wumba wankhondo wa ŵaKaldiya ndi nkhondo yaŵa Siriya.’ Viyo tija mu Yerusalemu.”

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Danyele 5:13

Viyo Danyele wangutoreke paurongo pa karonga. Karonga wanguti kwaku Danyele, “Iwe ndiwe yo Danyele yumoza wa ŵamikoli ŵaku Yuda, mweniyo ada karonga ŵangutuwa nayo ku Yuda.

2 Mikoka 36:5

Yehoyakimu wenga wa virimika machumi ghaŵi pachanya vinkhonde (25) wachamba kuwusa. Ndipo wanguwusa virimika chumi ndi chimoza mu Yerusalemu. Wanguchita uheni paurongo pa Ambuya Chiuta wake.