Chiyambo 6:6 - Tonga Bible 1986

⁶ Ndipo Ambuya ŵenga ndi chitima kuti anguchita munthu mu charu, ndipo chinguŵakalariska mu mtima wawo.

Chiyambo 6:6 Referans Kwoze

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

ŴaHebere 3:10

Viyo na ndingukaraliskika nayo mphapu yeniyi, ndipo ndinguti, ‘Rutaruta ŵarandiyarandiya mu mitima yawo: kweni iwo kuti ŵanguziŵa cha nthowa zangu.’

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”

2 Samuele 24:16

Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Yona 3:10

Penipo Chiuta wanguwona cho wanguchita, mo ŵangunyongoke ku nthowa yawo yiheni, Chiuta wangugowoka kureka kuchita uheni wo wangunena kuti wachitenge kwaku iwo; ndipo kuti wanguchita cha.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Yeremiya 26:19

“Kumbi Hezekiya karonga waku Yuda ndi ŵaYuda wose angumubaya? Kuti ŵangopa Ambuya cha ndi wanguŵeyerere lisungu la Ambuya, ndipo kuti Ambuya angugowoka cha ku chiheni chenicho wangutauliya paku wo? Kweni ifwe tikhumba kujidaniya uheni ukuru paku taŵeni.”

1 Mikoka 21:15

Chiuta wangutuma mungelo ku Yerusalemu kuwuparghang'a; kweni penipo wenga pafupi kuwuparghang'a Ambuya anguwona ndipo angugowoka pa uheni uwu; anguti ku mungelo wakuparghang'a, “Mbweno, gowozga janja lako sono.” Ndipo mungelo wa Ambuya wanguma pafupi pa mbuli waku Ornani mu Yebusi.

Yesaya 48:18

Inya mphanyi ungutegherezga ku marangu ghangu! Po ndipo chimangu chako phatinge chiŵenge uli ndi msinji ndipo urunji wako uli ndi mayigha gha nyanja;

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

1 Samuele 15:35

Ndipo Samuele kuti wangumuwona so cha Sauli mpaka zuŵa la nyifwa yake, kweni Samuele wanguchita chitima paku Sauli. Ndipo Ambuya anguchita chitima chifukwa angutondo Sauli kuŵa karonga pa ŵaYisraele.

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

ŴaHebere 3:17

Ndipo mbayani wo ŵanguŵatundiriya virimika machumi ghanayi? Asi mbakulakwa wo, vyaku ŵeniwo vitanda vinguwa mu buzwa lo?

Malaki 3:6

“Chifukwa ine Chiuta kuti ndisintha cha, imwe mose, ŵana ŵaku Yakobe mulivi kumara.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Sumu 119:158

Penipo ndilereska pa ŵakupusika, ndikwiyiskika, pakuti langulu linu kuti ŵasunga cha.

Sumu 110:4

Ambuya akuchita phanganu, ndipo kuti akaliwezganga so cha: “Ukaŵanga mzukuru ku muyaya, mu ndondomeka ya uzukuru waku Melkizedeke.”

Sumu 95:10

Virimika machumi ghanayi ndingukwiyiskika ndi mgonezi uwa; rekani ndinguti, ‘Mbanthu ŵakuranda mu mtima! Ŵakana kuvwiya marangu ghangu!’

Sumu 81:13

Owe ŵanthu ŵangu mphanyi ŵangundivwa, mphanyi Yisraele wangwenda mu nthowa zangu!

Sumu 78:40

Nkhanandi ukongwa ko ŵangumugarukiya mu bozwa; nyengo zinandi ŵangumuchitiska chitima!

ŴaRoma 11:29

Chifukwa vyawezi ndi mdanu vyaku Chiuta vizira mabezgeka.

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

Yeremiya 18:7

Asani pa nyengo yose ine nditaula pa mtundu pamwenga pa ufumu kuti ndikawuponthonga ndi kuwuswiya pasi ndi kuwananga,