Chiyambo 50:17 - Tonga Bible 1986

¹⁷ ‘Mukambe kwaku Yosefe, Gowoke, nditukupempha, maulakwi gha ŵana ŵanyako ndi uheni wawo, chifukwa ŵangukuchitiya uheni’. Ndipo sono tipempha ugowoke ulakwi wa ŵaŵanda ŵaku Chiuta wa ausu.” Yosefe wanguliya penipo ŵangukamba nayo.

Chiyambo 50:17 Referans Kwoze

ŴaEfeso 4:32

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Sumu 21:11

Asani ŵanozga kukuchitiyani uheni, asani ŵarunguruka chiŵembu, ŵatondekenge kuchichita.

Chiyambo 49:25

mwaku Chiuta wa ausu mweniyo wakakovyanga, mwaku Chiuta Wanthazi zose mweniyo wakakutumbikanga ndi vitumbiku vya kuchanya, vitumbiku vya ndimba vyenivyo vija pasi, vitumbiku vyamu chifuŵa ndi vya chibali.

Chiyambo 45:8

Viyo kuti ndimwe cha mungundituma kuno, kweni ndi Chiuta; ndipo iyo wakundisanduska, mpapi kwaku Farao ndi mbuya wa nyumba yake yose ndi mweruzgi pa charu chose cha Egipiti.

Yakobe 5:16

Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.

ŴaGalatia 6:16

Ndipo paku wose wo ŵamkwende mu karusu kenaka, chimangu chiŵiye paku wo, ndi lisungu, ndi paku Yisraele yo waku Chiuta.

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

Marko 10:41

Ndipo ŵanguti ŵavwa wo chumi, ŵangwamba kutundiriya paku Yakobe ndi Yohane.

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Mateyu 18:35

Viyo Ada nawo ŵakuchanya ndimo achitiyenge we yose waku imwe, asani mbali winu mureka kumugowoke kutuliya ku mitima yinu.”

Mateyu 10:42

Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”

Mateyu 6:12

Ndipo tirekiyeni mateu ghidu. Nge ndimo nafwe so taŵarekea mateu ŵidu.

Chiyambo 50:20

Nge nkhwaku imwe, khumbu linu lenga lakundichitiya uheni ine, kweni Chiuta wangung'anamuwa umampha, kuti ichi chichitike alinga ŵanandi ŵasungike ŵamoyo, nge ndimo ŵalili msana wale.

Chiyambo 31:42

Asani Chiuta wa ada, Chiuta waku Abrahamu ndi Chiuta waku Yisaki, wengavi kuŵa kuchiri kwangu, kwakuneneska sono mphanyi wandidika kwambura ndi kanthu mu manja. Chiuta wanguwona suzgu yangu ndi kutakataka kwa manja ghangu, ndipo wakuchenya iwe usiku waruta.”

Chiyambo 50:16

Viyo ŵangutuma mazu kwaku Yosefe, ghakuti, “Ausu ŵangulangula viyo ŵenga ŵandafwe.

Chiyambo 50:18

Ŵana ŵanyake ŵanguza so ndi ŵanguwa pasi paurongo pake, ndi ŵanguti, “Ehe, ifwe te ŵateŵeti ŵako.”