Chiyambo 5:22 - Tonga Bible 1986

²² Enoke wangwenda ndi Chiuta pavuli pa kawi kaku Metusele virimika machumi pe chumi ghatatu (300) ndipo wenga ndi ŵana ŵanthurumi ŵanyake ndi ŵana ŵanthukazi.

Chiyambo 5:22 Referans Kwoze

1 ŴaTesalonika 2:12

kwenda kwakwenere chiuta, yo wakudaniyanimo mu ufumu ndi unkhankhu waku iyo mweneko.

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Malaki 2:6

Wangusambizga chisambizgu cha uneneska ndipo ubudi kuti ungusanirika cha mu mlomo wake. Wangwenda nane mu chimangu ndi mu urunji, ndipo wanguwezga ŵanandi kusiya ubendezi.

Chiyambo 6:9

Izi ndi mphapu zaku Nowa. Nowa wenga munthu murunji, wambura kalema mu mgonezi wake; Nowa wangwenda ndi Chiuta.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Sumu 116:9

Ndi viyo nditenda paurongo pa Ambuya mu charu cha ŵamoyo.

ŴaLevi 26:12

Ndikayendanga mukati mwinu, ndikaŵanga Chiuta winu, ndipo imwe mukaŵanga ŵanthu ŵangu.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

1 ŴaTesalonika 4:1

Viyo pakumariya, mwa ŵabali, tiŵeyere ndipo tichiskiya imwe mu Ambuya Yesu, kuti, uli ndimo munguvwiya kwaku ifwe mo mutenere kujariya ndi kukondweske Chiuta, uli ndimo so muchitiya, murutiriyenge kwakukiyakiya.

ŴaEfeso 5:15

Viyo na, lereskani kaunthu po mutende, nge mbambura zeru cha, kweni nge mbazeru,

Chiyambo 48:15

Ndipo wangutumbika Yosefe ndi wanguti, “Chiuta paurongo paku mweniyo ada Abrahamu ndi Yisaki wangwenda, Chiuta mweniyo wandirongozga mu umoyo wangu utali kufika ku zuŵa lino,

Chiyambo 24:40

Kweni iyo wanguti kwaku ine, ‘Ambuya, paurongo paku ŵeniwo nditenda ine, akatumanga mungelo wawo pamoza nawe ndi kusakatiska nthowa yako; ndipo wamuto munthukazi wa mwana wangu ku ŵabali ŵangu ndi ku nyumba ya ada;

ŴaKolose 4:5

Mwendenge mu zeru kuchiri ku ŵakubwaro, fiskani kwakulingana ndi mwaŵi wo ulipo.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

Mika 4:5

Pakuti mitundu yose ya ŵanthu, ŵe wose utenda mzina laku Chiuta wake, kweni ifwe tendenge mzina la Ambuya Chiuta widu muyaya ndi muyaya.

Amosi 3:3

“Kumbi ŵaŵi ŵayende pamoza, asani ŵalivi kuzomerezgana?

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Sumu ya Zisumu 1:4

Ndiguziye kuvuli kwako, tiye titinthimike. Karonga wanditore mu vipinda vyake. Tikondwenge ndi kusekere mwaku iwe; tikarumbanga chanju chako kwakuruska vinyo; ŵatukwanja umamphavi.

Sumu 128:1

Ngwakutumbikika yose yo watopa Ambuya, yo watenda mu nthowa zawo.

Sumu 86:11

Ndisambizgeni, Ambuya, cho mutindikhumbiya kuchita, ndipo ndikavwiyanga imwe mu ukongorekwa; ndisambizgeni kumutataliyani mu kujipereka kwakufikapo.

Sumu 56:13

Chifukwa imwe mwapozomoska mzimu wangu ku nyifwa, inya, marundi ghangu ku kuwa, alinga kuti ndendenge paurongo paku Chiuta mu ukweru wa umoyo.

Sumu 26:11

Kweni nge ndine, nditenda mu ukongorekwa wangu; ndichitiyeni wezi, ndiwomboni.

Sumu 16:8

Nyengo zose ndiŵika Ambuya paurongo pangu, kuti nkhasukuniskikanga cha, chifukwa we pafupi nane.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 ŴaKaronga 2:4

alinga kuti Chiuta wafiske mazu ghenigho wangurongoro paku ine, kuti, ‘Asani ŵana ŵako ŵakaphwerenga nthowa zawo, kwachenda paurongo pangu mu ukongorekwa ndi mtima wawo wose ndi ndimzimu wawo wose, kuti wakaperengapo munthu cha wako pa chitengo chaku Yisraele.’

Marangu 28:9

Ambuya akamikanga imwe kuŵa mtundu wakupaturika kwaku iwo ŵeneko, nge ndimo ŵarapiya imwe, asani musunga marangu gha Ambuya Chiuta winu ndi kwenda mu nthowa zake.

Marangu 13:4

Mulondonge Ambuya Chiuta winu, ndi kumopa, ndi kusunga marangu ghake, ndi kuvwiya mazu ghake, ndipo mukamuteŵetiyanga ndi kubatikana nayo.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Chituwa 16:4

Ndipo Ambuya anguti kwaku Mosese, “Ehe, ine ndikang'iskanga chiŵande kutuliya kuchanya chaku imwe; ndipo ŵanthu ŵakarutanga kwachiyora vya zuŵa limoza, zuŵa ndi zuŵa, alinga ndiŵese, manyi ŵakendanga mu dangu langu, pamwenga awa.

Chiyambo 5:24

Enoke wanguti wenda ndi Chiuta, kuti wanguwoneka so cha, chifukwa Chiuta wangumuto.

1 ŴaKorinte 7:17

Chakwenere nchakuti munthu yose wendenge kwakulingana ndi mo Chiuta wamuteme, ndipo nge ndimo Chiuta wamudaniya. Ili ndi langulu langu mu mipingu yose.

Chiyambo 5:21

Penipo Enoke wanguŵa wa virimika machumi ghankhonde ndi limoza ndi vinkhonde (65) wangupapa Metusele.

Chiyambo 5:23

Viyo, mazuŵa ghose ghaku Enoke ghenga virimika machumi pe chumi ghatatu ndi machumi ghankhonde ndi limoza, pachanya vinkhonde (365).