Chiyambo 49:8 - Tonga Bible 1986

⁸ “Yuda, ŵana ŵanyako ŵakakuthamikanga; janja lako likaŵanga pa khosi la ŵakupindikana ŵako; ŵana ŵanthurumi ŵa ausu ŵazamukotama paurongo pako.

Chiyambo 49:8 Referans Kwoze

ŴaHebere 7:14

Chifukwa kuwoneka kuti Mbuyafwe wanguburika mwaku Yuda, kwaku lenilo fuku Mosese wengavi kukamba kanthu kapa ŵazukuru.

Chiyambo 27:29

Mitundu ya ŵanthu yikutataliye, ndi mutundu yilambiye iwe. Uŵe wakutufuliya ŵana ŵanyako ndipo ŵana ŵanyako ŵalambiye iwe. Watembeke we yose yo watikutemba, ndi watumbikike we yose yo watikutumbika.”

1 Mikoka 5:2

nanga Yuda wanguŵa pachanya pa ŵabali ŵake ndi kuti mwaku iyo ndimu mungutuwa karonga mura, kweni ndipuuli ura wenga waku Yosefe).

Yoswa 10:24

Ŵanguti ŵaŵatore kwaku Yoswa, Yoswa wangudana ŵaYisraele wose, ndipo wangunena ndi ŵaraŵara, mafumu gha ŵankhondo wo ŵanguruta nayo, kuti, “Ndereni pafupi, kandani marundi ghinu pa makhosi gha ŵakaronga yaŵa.” Sono ŵanguza pafupi, ŵangukanda marundi ghawo pa makhosi ghawo.

Marangu 33:7

Ndipo ichi ndicho wangukamba chaku Yuda, “Avwani Ambuya mazu ghaku Yuda, ndipo mumserezge mu ŵanthu ŵake. Ndi janja linu mumulimbalimbiye, ndipo mumovye wachimikana ndi ŵarwani ŵake.”

Chiyambo 29:35

Ndipo wanguzuwuka so ndi wangupapa mwana munthurumi ndi wanguti, “Nyengo yino ndikarumbanga Ambuya”; viyo wangudana zina lake Yuda; sono wangureka kupapa.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 5:5

ndipo yumoza wamu ŵara wo wangunena nane, “Ungaliyanga cha: awona, Nkharamu yo yamu fuku laku Yuda, nkhorozu yaku Davidi yo yapunda ndiyo yiziŵa kubanuwa buku lakuzinga ndi vizighiri vyake vinkhonde ndi viŵi.”

ŴaHebere 10:13

kwamba penipo wakulereze mpaka wamawongu wake waŵikika kuŵa chitengu cha marundi ghake.

Ezekiele 21:29

Penipo ŵawone iwe viwona vya utesi, po ŵatikuwombeze mawula gha utesi kuŵikika pa makhosi gha ŵakufipiskika ŵaheni, wo zuŵa lawo lafika, nyengo yakulangika kwawo kwakumariya.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Sumu 76:1

Chiuta waziŵikwa mwaku Yuda, zina lake ndikuru mwaku Yisraele.

2 Mikoka 30:11

Kweni ŵanthu ŵamanavi ŵaku Ashere, ŵaku Manase, ndi ŵaku Zebuluni ndiwo ŵangujiyuyuwa ndi ŵanguza ku Yerusalemu.

2 Mikoka 17:2

Wanguŵika ŵankhondo mu charu chaku Yuda, ndi mu mizi yaku Efraimu yo awiske Asa ŵanguronda.

2 Mikoka 15:9

Ndipo wanguwunganiska Yuda yose ndi Benjamini, ndi ŵalendo pamoza nawo, kuturiya kwaku Efraimu, ndi kwaku Manase, ndi kwaku Simeoni, chifukwa ŵanandi ŵangumziya kutuwa kwaku Yisraele pa ŵanguti ŵawona kuti Ambuya Chiuta wake wenga nayo.

2 Mikoka 14:8

Ndipo Asa wenga ndi ŵankhondo vikwi machumi pe chumi ghatatu (300,000) ŵa mwaku Yuda, ŵakupinga nguru ndi mikondo, ndipo so ndi vikwi machumi pe chumi ghaŵi pachanya machumi ghankhonde ndi ghatatu (280,000) ŵa mwaku Benjamini, ŵakupinga nguru ndi mauta; wose wo vyenga vinkhara vyanthazi.

2 Samuele 24:9

Ndipo Yoabu wangupereka unandi wa ŵanthu ku karonga: mu Yisraele mwenga ŵanthurumi vinkhara ŵakuko lipanga vikwi machumi pe chumi ghankhonde ndi ghatatu, (800,000) ŵaku Yuda ŵenga vikwi machumi pe chumi ghankhonde (500,000).

2 Samuele 22:41

Imwe mwachita ŵarwani ŵangu kuti ŵandirazgi msana, wo ŵangunditinkha ndipo ndinguŵaparghang'a.

2 Samuele 5:3

Viyo ŵara wose ŵaYisraele ŵanguza ku karonga pa Hebroni; ndipo karonga Davidi wangupangana nawo phanganu pa Hebroni pa maso pa Ambuya, ndipo ŵangumupaka Davidi kuŵa karonga pa ŵaYisraele,

Ŵeruzgi 20:18

ŴaYisraele ŵangusoka ndi ŵanguruta ku Betele, ŵangufumbiriya kwaku Chiuta, “Ndiyani waku ifwe yo wadangenge kuruta ku nkhondo kwachirwana ndi ŵaBenjamini?” Ndipo Ambuya anguti, “Yuda ndiyo wadangenge kukweriyako.”

Maŵerengedu 26:22

Izi ndi mbumba zaku Yuda unandi wawo, vikwi machumi ghankhonde ndi ghaŵi ndi vinkhonde ndi chimoza pachanya machumi pe chumi ghankhonde (76,500).

Maŵerengedu 10:14

Ŵakudanga kusoka ulendo ŵenga ŵandembera ya ugoŵi ŵa ŵina Yuda mu maliŵanja ghawo ndipo wakutufuliya chiliŵanja chose wenga Nashoni mwana waku Aminadaba.

Maŵerengedu 1:27

Ŵina Yuda ŵenga vikwi machumi ghankhonde ndi ghaŵi ndi vinayi pachanya machumi pe chumi ghankhonde ndi limoza (74,600).

Chiyambo 46:12

Ŵana ŵanthurumi ŵaku Yuda: Ere, Onana, Pereze, ndi Zera (kweni Era ndi Onana ŵangufwiya mu charu cha Kanani); ndipo ŵana ŵanthurumi ŵaku Pereze: Hezironi ndi Hamulu.

Chiyambo 42:6

Sono Yosefe wenga mweruzgi mura pa charu chiya; iyo ndiyo waguliskanga trigu ku ŵanthu wose ŵa charu chiya. Ndipo ŵana ŵanyake ŵaku Yosefe wanguza, ndipo ŵangukotama mitu yawo paurongo pake ndi visku vyawo pasi zgoli.

Maŵerengedu 26:20

Ŵana ŵaku Yuda mu mbumba zawo ŵenga mwaku Sheba, ndimu mukutuwa ŵaShela; mwaku Pereze, ndimu mukutuwa ŵaPereze; mwaku Zera, ndimu mukutuwa ŵaZera.

1 Mikoka 28:4

Ndi kweni Ambuya, Chiuta waku Yisraele wangundisankha mu nyumba yose ya ada kuti ndiŵe karonga waku Yisraele muyaya; chifukwa wasankha Yuda kuŵa murongozgi, ndipo mu nyumba yaku Yuda, wasankha nyumba ya ada, ndi mukati mu ŵana, ŵa ada, ine ndingumunozge kundimika karonga waku Yisraele yose,

Yoswa 15:20

Ichi nchihara cha fuku la ŵaYuda kwakuyana ndi mbumba zawo.