Chiyambo 49:28 - Tonga Bible 1986

²⁸ Wose yaŵa ndiwo mitundu chumi ndi yiŵi yaku Yisraele; ndipo ichi ndicho wangukamba uskeu kwaku wo wachiŵatumbika wachitumbika yumoza ndi yumoza ndi chitumbiku chakumwenere.

Chiyambo 49:28 Referans Kwoze

Chivumbuzi 7:4

Ndipo ndinguvwa unandi waku wo ŵanguzighirika, ŵenga vikwi machumi pechumi pachanya machumi ghanayi ndi vinayi, ŵakuzighirika mu fuku lose la ŵana ŵaku Yisraele:

Machitidu gha Ŵakutumika 26:7

kwaku lenilo mafuku ghidu chumi ndi ghaŵi (12) ghagomezga kufikapo, nge ndimo watakatakiya usiku ndi msana. Ndipo pa chigomezgu chenichi ndi pachika ndi ŵaYuda, aKaronga.

Estere 8:11

Mwakuŵenaŵa ŵakalata, karonga wanguzomerezga ŵaYuda wo ŵenga mu msumba we wose kuti ŵawungani pamoza kutaska maumoyo ghawo, kumara, kubaya, ndi kunanga nkhondo ya ŵanthu wose pamwenga charu chose cho chingamikana nawo, ndi ŵana ŵawo, ndi ŵanthukazi ŵawo, ndi kuskowa usambasi wawo.

Estere 8:9

Ŵalembi ŵa karonga ŵangudanika nyengo yeniyiya mu mwezi wa chitatu, ndiwo mwezi Sivani, pa zuŵa la machumi ghaŵi ndi ghatatu; ndipo kungulembeka kwakulingana ndi vyose mo Mordikayi wangulanguliya pa ŵaYuda, ku ŵachirongozgi ndi ŵara ndi ŵeruzgi ŵara ŵa vigaŵa vya vyaru kwamba ku India kwachifika ku Etiopia, machumi pe chumi ndi machumi ghaŵi pachanya vinkhonde ndi viŵi (127) charu che chose mu kalembedu kake, ku ŵanthu wose kwakulingana ndi mazu ghawo, ndiku ŵaYuda mu kalembedu kawo ndi mazu ghawo.

Estere 8:7

Karonga Ahaswerusi wanguti kwaku Estere fumukazi ndi kwaku Mordikayi mu Yuda yo, “Onani ndapaska Estere nyumba yaku Hamani ndipo iyo ŵangupayika pa muti, chifukwa iyo wakhumbanga kubaya ŵaYuda.

1 ŴaKaronga 18:31

Eliya wanguto mya chumi ndi yiŵi, kwakuyana ndi unandi wa mafuku gha ŵana ŵaku Yakobe, kwaku mweniyo mazu gha Ambuya ghanguza, ghakuti, “Yisraele likaŵanga zina lako.”

Maŵerengedu 23:24

Awonani, ŵanthu yaŵa! Nge ndi nkharamu yinthukazi ŵayukiya muchanya, ndipo ulaka ndi nkharamu yinthurumi ŵatijisoska; kuti yigona pasi cha mpaka po yargha nyama yeniyo yako, ndi kumwa ndopa za yakubayika yo.”

Chiyambo 35:22

Penipo Yisraele wajanga mu charu chiya Rubene wanguruta ndi wangula ndi Biliha mbiligha ya awiske; ndipo Yisraele wanguvwa ichi. Sono ŵana ŵanthurumi ŵaku Yisraele ŵenga chumi ndi ŵaŵi (12).

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

Chituwa 28:21

Mukaŵanga mya chumi ndi yiŵi ndi mazina ghawo kwakuyana ndi mazina gha ŵana ŵanthurumi ŵaku Yisraele, ghakaŵanga uli ndi vidindu, we wose wakusindikizgika ndi zina lake, gha mitundu chumi ndi yiŵi.

Chiyambo 49:27

“Benjamini ndi mphumphi yakuŵenkha, ndi mlenji yiturgha nyama, ndipo ndi mazulo wagaŵa vyakuskowa.”

Chiyambo 49:29

Sono wanguŵachinyiya, ndi wanguti kwaku wo, “Ndikaunjikanga ku mtundu wangu, mukandiŵike pamoza ndi ada mu mphanji yeniyo yemu munda waku Efroni muHiti,

Marangu 33:1

Ili ndilo thumbiku lo Mosese munthu waku Chiuta wangutumbika ŵana ŵaku Yisraele wenga wandafwe.