Chiyambo 49:10 - Tonga Bible 1986

¹⁰ Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Chiyambo 49:10 Referans Kwoze

Maŵerengedu 24:17

nditumuwona, kweni sono cha; nditumlereska, kweni pafupi cha: nyenyezi yikatuliyanga mwaku Yakobe, ndipo ndodo ya ufumu yikayukanga mwaku Yisraele; yikaphwanyanga pa maso paku Moabu, ndi kuswa ŵana ŵanthurumi wose ŵaku Seti.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

Sumu 60:7

Gileada ngwangu; ngwangu Manase; Efraimu nchivekeru cha mutu wangu; Yuda ndi ndodo yangu ya ufumu.

Yesaya 33:22

Pakuti Ambuya ndi mweruzgi widu, Ambuya ndiwo akutiusa, Ambuya ndi karonga widu, akatitaskanga.

ŴaHebere 7:14

Chifukwa kuwoneka kuti Mbuyafwe wanguburika mwaku Yuda, kwaku lenilo fuku Mosese wengavi kukamba kanthu kapa ŵazukuru.

Zekariya 10:11

Ndipo ŵaporotenge mu nyanja ya charu cha Egipiti, ndi mayigha gha nyanja ghamupumika ndipo ndimba zose za msinji Nile ziphwenge. Ndipo kujikuzga kwa Asiriya kusiskikiyenge pasi, ndipo ndodo ya ukaronga waku Egipiti yituwengeko.

Ezekiele 21:27

Phasulu, phasulu, ndichichitenge phasulu; kuti mukaŵanga kanthu kakuwonekamo so cha mpaka po waza, yo iyo ndiyo mweneko; kwaku iyo ndikachiperekanga.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaRoma 15:12

Ndipo so Yesaya watiti, “Kuŵengepo nkhorozu yaku Jese, ndiyo wayukiyenge kwachiusa Mitundu; mwaku iyo yigomekezgiyenge Mitundu.”

Yohane 12:32

Ndipo ine, asani ndasoskeka panupasi, ndiguziyenge ŵanthu wose kwaku ndamweni.”

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Yeremiya 30:21

Mura wawo wakaŵanga yumoza wa ŵeneko, wakuŵausa wakatuwanga mukati mwawo; ndikamunderezganga pafupi, wakazanga kwaku ine, pakuti njani yo wangesa kuza yija kwaku ine? atiti Ambuya.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yohane 19:15

Wangukamba iwo, “Mtuzgepo! Mtuzgepo! Mpayike!” Pilato waŵanene, “Kumbi ndipayikenge karonga winu?” Wangwamuka ŵazukuru ŵara, “Tirive karonga kweni Kaisare ndivo.”

Mateyu 1:21

Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”

Yesaya 62:11

Ehe, Ambuya amemeza mpaka ku chigoti cha charu chapasi: Kamba ku ŵanthu ŵaku Zioni, “Ehe mtaski winu watuza, awonani, wapinga mphoto yeniyo wakakuwomboliyaninga nayo.”

Hoseya 11:12

Efraimu wandizingirizga ndi mautesi, ndipo nyumba yaku Yisraele ndi chinyengo; kweni Yuda weche kuziŵikwa ndi Chiuta, ndipo ngwamagomezgeka ndi Mtuŵa Yumoza.

Yesaya 60:1

Yukani, ŵalani, pakuti ukweru winu waza, ndipo unkhankhu wa Ambuya wayukiya paku imwe.

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Sumu 108:8

Gileada ngwangu, Manase nayo ngwangu; Efraimu nchisoti changu, ndipo Yuda ndi ndodo yangu ya ufumu.

Maŵerengedu 21:18

Chisima cho ŵangukumba ŵana ŵa mafumu, cho ŵanguchinozga ŵakuvwika ŵa ŵanthu, ndi ndodo ya chifumu pamoza ndi ndodo zawo.” Ndipo kutuwa ku bozwa ŵanguruta ku Matana,

Mateyu 25:32

Ndipo yikawunjikikanga paurongo pake mitundu yose; ndipo wakaŵagawuwanga yumoza ku munyake, uli ndimo mliska wagawuliya mberere ku mbuzi;

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Ezekiele 19:14

Ndipo moto watuwa mu liŵavu lake, wapirizga mphanda ndi vipasi vyake, mwakuti kuti wajamo so muti wanthazi cha, ndodo ya chifumu ya wakweruzga mulivi. Ichi nchitenje, ndipo chaŵa chitenje mbwenu.

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

Yohane 19:12

Kutuwa penipa Pilato wangukhumba kumufwatuwa: kweni ŵaYuda ŵakamburanga, ŵakuti, “Asani ungamufwatuwa uyu, kuti ndiwe bwezi laku Kaisare cha: yose wakujisanduska karonga, wamikana ndi Kaisare.”

Yohane 18:31

Pilato wanguŵanene, “Mtoni imwe, ndipo kwakulingana ndi langulu lino mweruzgani.” ŴaYuda ŵangunena nayo, “Kuti kuyiyamu ifwe cha kubaya munthu.”

Ezekiele 19:11

Muti wake wanthazi ukongwa unguŵa ndodo ya wakweruzga; ungukwere kuchanya ukongwa mukati mu mphanda zakunyekezgana; wunguwoneka mu utali wake pamoza ndi unandi wa mphanda zake.

Yohane 9:7

kwaku iyo wanguti, “Kanga, kasambe mu chiziŵa chaku Siloama” (lo ling'anamuka, wakutumika). Viyo wanguruta, wangwachisamba, ndipo wanguwe wakulereska.

Marangu 28:57

chibali chake cho chituza pakati pa nthangala zake pavuli pakubara ŵana wo wabala. Chifukwa wakaŵarghanga ku ubendi, pakusoŵa vunthu vyose vinyake, mu kuzingika ko ndi muyuzgu weniwo ŵakupindikana ŵinu ŵakamuyuzganinga nawo mu mizi yinu.

Yeremiya 33:26

iku ndikapatanga mphapu yaku Yakobe ndi Davidi mteŵeti wangu, ndipo kuti ndikasankhanga yumoza cha wa ŵamphapu yake kuwusa pa mphapu yaku Abrahamu, Yisaki ndi Yakobe. Pakuti ndikaŵachitiyanga so umampha, ndipo ndikaŵanga ndi lisungu paku iwo.”

Maŵerengedu 24:19

Mwaku Yakobe mukachitikanga ufumu, ndipo ŵakujapo mu misumba ŵapasulikenge.”

2 Samuele 7:13

Wakazengiyanga nyumba zina langu ndipo ndikakhozganga chitengo cha ufumu wake muyaya.

2 Samuele 7:16

Ndipo myumba yako ndi ufumu wako vikajaririyanga kwauneneska pa maso ghangu muyaya; chitengo chako chikakuzgikanga muyaya.’ ”

1 Mikoka 12:24

ŴaYuda wo ŵangupinga nguru ndi mkondo ŵenga vikwi vinkhonde pachanya machumi pe chumi ghankhonde ndi ghatatu (5,800) ŵakunozgeka nkhondo.

1 Mikoka 12:39

Ŵanguja kuwa ndi Davidi mazuŵa ghatatu, kurgha ndi kumwa chifukwa ŵabali ŵawo ŵanguŵalongosole ukongwa.

Sumu 60:9

Njani yo wakanditoliyanga mu muzi wa malinga ghakukho? Njani wandirongozgenge ku Edomu?

Sumu 78:68

Mu malo ghake angusankha fuku laku Yuda, ndi phiri Zioni, lo angwanja ukongwa.

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Ezekiele 21:32

Ukaŵanga nge ndi mafuta ku moto; ndopa zako zikaŵanga mukati mu charu kuti ukakumbukikanga so cha; chifukwa ine Ambuya ndakamba.”

Mika 5:1

Sono mwazingirizgika ndi linga urwani watijarizga; ŵapuma ndi nthonga pa dakama la fumu yaku Yisraele.