Chiyambo 48:9 - Tonga Bible 1986

⁹ Yosefe wanguti ku wiske, “Yaŵa mbana ŵangu wo Chiuta wakundipaska kuno.” Ndipo iyo wanguti, “Yiza nawo kwangu, nditukupempha, alinga ndiŵatumbike.”

Chiyambo 48:9 Referans Kwoze

Chiyambo 27:4

ndipo undirongosole kurgha kwakununkhira, ulaka ndiko nditanja, ndipo uze nako kwangu kuti ndirghe; alinga ndikutumbike ndenga ndindafwe.”

Chiyambo 33:5

Ndipo penipo Esau wanguyunuska maso ghake wanguwona ŵanthukazi ndi ŵana, wanguti, “Mbayani yaŵa we nawo?” Yakobe wanguti, “Mbana ŵeniwo Chiuta wangundipaska ndi wezi ndamuŵanda wako.”

ŴaHebere 11:21

Ndi chivwanu Yakobe, wachifwa, wanguŵatumbika ŵana ŵaku Yosefe uyu ndi uyu; ndipo ŵangulambiya pa songu ya ndodu yake.

Yesaya 8:18

Ehe, ine ndi ŵana ŵeniwo Ambuya akundipaska te visimikizgu ndi vyakuwoniyapo mu Yisraele kutuliya ku Ambuya ŵa maŵanja, wo ŵaja pa phiri Zioni.

Sumu 127:3

Ehe, ŵana nchihara cha Ambuya, chipasi cha nthumbu ndi mphoto.

1 Mikoka 25:5

Ŵose yaŵa ŵenga ŵana ŵaku Hemani muwona wa karonga kwakuyana ndi phanganu laku Chiuta kumukwezga, chifukwa Chiuta wangumpaska Hemani ŵana ŵanthurumi chumi pachanya ŵanayi, ndi ŵana ŵanthukazi ŵatatu.

1 Samuele 1:27

Ndapemphanga mwana uyu; ndipo Ambuya andipaska cho ndingupempha kwaku iwo.

1 Samuele 1:20

ndipo mu nyengo yakufiskika Hana wanguŵa ndi nthumbo ndipo wangupapa mwana munthurumi, wangumudana zina lake Samuele, pakuti watinge, “Ndamupempha ku Ambuya.”

Marangu 33:1

Ili ndilo thumbiku lo Mosese munthu waku Chiuta wangutumbika ŵana ŵaku Yisraele wenga wandafwe.

Chiyambo 49:28

Wose yaŵa ndiwo mitundu chumi ndi yiŵi yaku Yisraele; ndipo ichi ndicho wangukamba uskeu kwaku wo wachiŵatumbika wachitumbika yumoza ndi yumoza ndi chitumbiku chakumwenere.

Chiyambo 30:2

Ukari waku Yakobe ungukole paku Rakelo, ndi wanguti, “Kumbi ine nde mu malo ghaku Chiuta, mweniyo wamika kwaku iwe chipasi cha chibali?”