Chiyambo 48:21 - Tonga Bible 1986

²¹ Sono Yisraele wanguti kwaku Yosefe, “Ehe, nde pafupi kufwa, kweni Chiuta wakaŵanga nawe, ndipo wakakuwezgiyanga so ku charu cha auskemwe.

Chiyambo 48:21 Referans Kwoze

Chiyambo 50:24

Ndipo Yosefe wanguti ku ŵana ŵanyake, “Ine nde pafupi kufwa; kweni Chiuta wakachezganga namwe, ndipo wakakutuzganinga mu charu ichi kuya ku charu chenicho wangurapiya kwaku Abrahamu kwaku Yisaki, ndi kwaku Yakobe.”

Chiyambo 46:4

Ndikarutanga nawe ku Egipiti, ndipo so ndazamukukuwezge so kuno; ndipo janja laku Yosefe lamujara maso ghako.”

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

ŴaHebere 7:3

wambura wiske, wambura nyina, wambura fuku, wambura chingana nchiyambu cha mazuŵa chingana mbumari wa umoyo, kweni wakulinganizgika ku Mwana waku Chiuta), wajaririya mzukuru ku muyaya.

2 Petro 1:14

pa kuziŵa kuti nyifwa yaliŵavu langu ye pafupi, uli ndimo so Ambuyafwe Yesu Kristu wangundirongole.

ŴaHebere 7:8

Ndipo panu ŵanthu ŵamafwika ŵaronde vyachichumi; kweni kweniko mweniyo wasimikizgika kuti ngwamoyo.

2 Timote 4:6

Chifukwa ine sono ndipunguka, ndipo nyengo ya chifwatulika changu yaŵandika.

Machitidu gha Ŵakutumika 13:36

Chifukwa nadi Davidi wati watataliya mu mgonezi wake khumbu lo laku Chiuta, wangura, ndipo wanguŵikika pamoza ndi ŵambuyake, ndipo wanguwona chivuzi;

Luka 2:29

“Sono mfwatuweni muŵanda winu, Ambuya, mwa nkhani yinu, mu chimangu,

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Yoswa 23:14

“Ndipo sono ine nde pafupi kuruta mu nthowa ya charu chose, ndipo imwe mose muziŵa mu mitima ndi umoyo winu, kuti palivi kanthu kamoza ka vinthu vyamampha vyo Ambuya Chiuta winu wangupangana paku imwe katondeka; vyose vyafiskikiya imwe, palivi ko katondeka.

Yoswa 3:7

Ndipo Ambuya angunena ndi Yoswa, “Zuŵa lino ndambenge kukukuzga mu maso gha ŵaYisraele wose, mwakuti ŵapanikizge kuti mo ndinguŵiya ndi Mosese ndimo ndikaŵiyanga ndi iwe.

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Marangu 31:8

Ambuya atikudanjiriyani, akaŵanga pamoza namwe, kuti akatondekanga cha Chingana nkhumurekani mwija: mungopanga cha chingana nkhudonda cha.”

Chiyambo 37:1

Yakobe wanguja mu charu cho awiske ŵanguja, charu cha Kanani.

Chiyambo 15:14

Kweni ndazamtole cheruzgu pa mtundu wo ŵakatataliyanga, ndipo pavuli ŵazamtuwamo ndi usambasi unandi.

Chiyambo 12:5

Ndipo Abramu wanguto Sarai muwoli wake, ndi Lote mwana munthurumi wa mhurwa wake, ndi usambasi wawo wose weniwo ŵangusambasa, ndi ŵanthu wo ŵanguŵa nawo mu Harani; ndipo ŵangusoka kuruta ku charu cho cha Kanani. Penipo ŵangufika mu charu cha Kakani,

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

Chiyambo 47:29

Ndipo penipo yinguŵandika nyengo yakufwiya Yisraele wangudana mwana wake Yosefe ndipo wanguti kwaku iyo, “Asani sono ndasaniya wezi mu maso ghako, uŵike janja lako kusi ku chigha changu, ndi upangane kundichitiya kwa ulemu ndi kwauneneska. Ungandiŵika ine mu Egipiti cha,

Chiyambo 50:6

Ndipo Farao wangwamuka, “Kwera, kamuŵike usu, uli ndimo wangukurimbiliskiya.”