Chiyambo 48:16 - Tonga Bible 1986

¹⁶ mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Chiyambo 48:16 Referans Kwoze

Sumu 34:22

Ambuya awombo umoyo wa ŵaŵanda ŵawo; palivi nanga njumoza wa ŵakudingang'a mwaku iwo yo wakasuskikanga.

Chiyambo 49:22

“Yosefe ndi mphanda yakupakasa pafupi pa chisima, mphanda zake zitambarulika pachanya pa chimati.

Chiyambo 48:5

Ndipo sono ŵana ŵako ŵanthurumi ŵaŵi wo ŵangupapika kwako mu charu cha Egipiti ndenga ndindaze ine kwako mu Egipiti, mbangu: Efraimu ndi Manase ŵakaŵanga ŵangu mwenimo ŵalili Rubene ndi Simeoni.

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.

Yoswa 17:17

Sono Yoswe wangunena ndi nyumba yaku Yosefe, Efraimu, ndi Manase, “Mwe ŵanandi ukongwa, ndipo mwe ndi nthazi zikuru; kuti mukaŵanga ndi mphenduzga yimoza cha,

ŴaHebere 11:21

Ndi chivwanu Yakobe, wachifwa, wanguŵatumbika ŵana ŵaku Yosefe uyu ndi uyu; ndipo ŵangulambiya pa songu ya ndodu yake.

Machitidu gha Ŵakutumika 15:17

viyo kuti ŵakujapo mu ŵanthu ŵapenje Ambuya, ndipo ŵaMitundu wose paku wo ladanikiya zina langu,

Yohane 17:15

Kuti ndiromba cha kuti muŵatuzge mu charu, kweni kuti muŵasunge ku mheni yo.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Sumu 121:7

Ambuya akuvikiriyenge ku urwani wose; asungenge umoyo wako.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

1 ŴaKorinte 10:9

Tingesanga Ambuya cha, nge ndimo ŵangwese ŵanyake ŵaku wo, ndipo ŵangumara ndi njoka zo.

Amosi 9:12

mwakuti ŵaronde ŵakujako ŵaEdomu, ndi mitundu yose yo yidanika ndi zina langu,” atiti Ambuya wo achita ichi.

1 ŴaKorinte 10:4

ndipo wose ŵangumwa chakumwa cha Mzimu wo. Chifukwa ŵamwanga ku Jarawe lamzimu lakuŵarondo: ndipo Jarawe lo lenga Kristu.

ŴaRoma 8:23

Ndi viyo pe cha, kweni taŵeni nafwe, taŵakuŵa ndi mruwuku wa Mzimu, nafwe titamanthiya mkatikati mwaku taŵeni, taŵakulindizga kuŵa ŵana, uwombozi wo wa maliŵavu ghidu.

Mateyu 6:13

Ndipo mungatitole mu kesedu kweni titaskeni ku mheni yo.

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Yeremiya 14:9

Chifukwa chine imwe mukozganenge ndi munthu yo watimbanizgika, nge ndi munthu wanthazi yo watondeka kutaska? Kweni imwe, Ambuya, mwe mukati mwidu, ndipo ifwe tidanika ndi zina linu; rekani kutisiya.”

Yesaya 47:4

Muwombozi widu Ambuya ŵa maŵanja ndilu zina lake ndiyo Mtuŵa Yumoza waku Yisraele.

Sumu 34:7

Mungelo wa Ambuya watigoŵa kwakuzunguliya wose ŵakuwopa iwo, ndi kuŵataska.

Sumu 34:2

Mzimu wangu utumbwiya mu Ambuya; ŵakusuzgika ŵavwenge ndi ŵakondwenge.

2 Mikoka 7:14

Ndipo asani ŵanthu ŵangu wo ŵadanika ndi zina langu ŵatijiyuyuwa, ŵaromba ndi ŵapenja chisku changu, ŵaweko ku nthowa zawo ziheni, po ndipo ndikavwanga kuchanya ndi kuŵagowoke uheni wawo, ndi kuchizga charu chawo.

Marangu 33:17

Nkhuzi yake ya umwali yendi uchiyembwe. Masengwe ghake ndi masengwe gha njati, ndi ghenagha wakafwenkhuliyanga ŵanthu wose, kwachifika ku vigoti vya charu chapasi. Viyo ndimo ŵalili vikwi chumi (10,000) ŵaku Efraimu, ndimo so ŵalili vikwi chumi (10,000) ŵaku Manase.”

Marangu 28:10

Ndipo ŵanthu wose ŵamu charu chapasi ŵakaziŵanga kuti mudanika ndi zina la Ambuya, ndipo ŵakakuwopaninga.

Maŵerengedu 1:46

Ŵenga vikwi machumi pe chumi ghankhonde ndi limoza ndi vitatu pachanya machumi pe chumi ghankhonde ndi machumi ghankhonde (603,550).

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Chiyambo 22:11

Kweni mungelo waku Chiuta wangudanirizga kwaku iyo kuturiya kuchanya, ndi wanguti, “Abrahamu, Abrahamu!” Ndipo iyo wanguti, “Nde pano!”

Chiyambo 22:15

Ndipo mungelo waku Chiuta wangudanirizga kwaku Abrahamu kachiŵi kuturiya kuchanya,

Chiyambo 46:3

Viyo wanguti, “Ndine Chiuta, Chiuta wa ausu; ungopanga cha kusikiya ku Egipiti; pakuti kwenikuwa ndakukuchita mtundu ukuru.

2 Samuele 4:9

Kweni Davidi wanguti kwaku Rekaba ndi mbali wake Bana, ŵana ŵaku Rinoni mu Beroto, “Ndarapa Ambuya wamoyo, yo wawombo umoyo wangu mu visuzgu vinandi,

Yeremiya 15:21

Ndikakupozomoskanga ku janja la ŵaheni ndi kukuwombo mu janja la wankhaza yo.”

1 ŴaKaronga 1:29

Ndipo karonga wangurapa, wanguti, “Mo ajaliya amoyo Ambuya, ŵeniwo awombo mzimu wangu ku masuzgu ghose,

Sumu 34:8

Laŵani ndi muwone kuti mbamampha Ambuya! Wakukondwa ndi munthu yo wadingang'a mwaku iwo!